|
„გირჩის“ ერთ-ერთი ლიდერი, იაგო ხვიჩია ადასტურებს, რომ „გირჩი“ „ქართულ ოცნებასთან“ ინდივიდუალურ მოლაპარაკებებს იწყებს. ამის შესახებ ხვიჩიამ „პალიტრანიუსის“ გადაცემა „360 გრადუსში“ განაცხადა. კითხვაზე, იწყებენ ინდივიდუალურ მოლაპარაკებებს „ქართულ ოცნებასთან“, იაგო ხვიჩიამ უპასუხა: „ბუნებრივია“.
ამასთან, როგორც ხვიჩიამ აღნიშნა, ისინი მოლაპარაკებებს ოპოზიციასთანაც ეცდებიან.
„პირველ რიგში, დაველოდებით ჩვენი საერთაშორისო პარტნიორების გამოხმაურებას, ისინი როგორ აღწერენ ამ პროცესს, რა პროცესიც საქართველოში საკუთარი თვალით ნახეს და გაიარეს, ამის შემდეგ დავიწყებთ. ფაქტობრივად, გამოვიდა, რომ ჯერ კიდევ არ იცის საქართველოს მოსახლეობამ ზუსტად, რა ნაწილში იყო შეუთავსებელი განსხვავებები პოზიციებს შორის და რის გამო არ მოხდა მხარეთა შერიგება“, - განაცხადა ხვიჩიამ.
მისივე განცხადებით, ამ მოლაპარაკებებში მთავარი პრობლემა ის იყო, რომ მოლაპარაკება არცერთ მხარეს არ უნდოდა.
„ჩემი აზრით, ამ მოლაპარაკებაში მთავარი პრობლემა ის იყო, რომ იქ იყო ხალხი, ვისაც მოლაპარაკება არ უნდოდა. ზოგადად ამ მოლაპარაკების მაგიდასთან იყო ხალხი, რომელთა ერთადერთი მიზანი იყო, რომ ხელი შეეშალათ მოლაპარაკებებისთვის. მათთვის მოლაპარაკების შედეგად არაფერი არ იცვლებოდა არც ასე, არც ისე. უბრალოდ ისინი იქ ამრევად იყვნენ მისულები. მე კი არ ვიძახი, რომ ხელისუფლებიდან ანგელოზები იყვნენ. უბრალოდ, როგორც დღეს გამოჩნდა, შეთანხმება იქ არავის უნდოდა, არც ხელისუფლებას, არც ოპოზიციას“, - აღნიშნა ხვიჩიამ.
ხვიჩიას თქმით, ოპოზიცია და ხელისუფლება პასუხისმგებლობის ერთმანეთზე გადაბრალებას ცდილობს.
„ფაქტობრივად, ხელისუფლებაც და ოპოზიციაც მთელი ეს პროცესი ერთმანეთს ეჭყანებოდა და ამოცანა მდგომარეობდა იმაში, რომ არცერთს არ დაეხია საკუთარი პოზიციებიდან უკან, რომ უფრო ამაყი, ძლიერი და მამაკაცური გამოჩენილიყო. ეს იყო მთელი თემა, რასაც ჩვენ ბოლო პერიოდის განმავლობაში თვალს ვადენევნებდით და ახლა ერთმანეთს აბრალებენ პატარა ბავშვებივით, ამ ქვეყნის საქმე გაფუჭდა, არავის არ უნდა ამაზე პასუხისმგებლობის აღება და ამიტომ ახლა ერთმანეთს აბრალებენ“, - განაცხადა ხვიჩიამ.
ipn.ge
14:41
"ხომ ვთქვი მე გავაკეთებ გასაკეთებელს, უწი-პუწის დრო არ არის, რუსეთში მიგვათრევენ გაქანებით, ეს კანონი ტ*აკში უნდა გავუკეთოთ, ბოდიში ყველასთან.. ან ქართველები ვართ ან მონები ვართ, არ ვართ მოენები! რა მ...
14:36
იურიდიული კომიტეტის სხდომაზე, „მოქალაქეების“ ლიდერი ალეკო ელისაშვილი საპარლამენტო უმრავლესობის ლიდერ მამუკა მდინარაძეს ფიზიკურად დაუპირისპირდა. ელისაშვილმა მდინარაძეს, რომელიც დეპუტატ...
21:13
პრეზიდენტმა ლაზარეს შეწყალება "ტვ პირველის" ეთერში დააანონსა. "ხელი ჯერ არ მაქვს მოწერილი მაგრამ ეს გადაწყვეტილება მე მივიღე დილის 10-საათზე"- თქვა სალომე ზურაბიშვილმა ინგა გრიგოლიას...
18:33
სალომე ზურაბიშვილი რუსეთის მიერ ოკუპირებულ ტერიტორიებზე გახსნილ საარჩევნო უბნებს ეხმაურება და ფაქტს გმობს: "ყოვლად მიუღებელი და უკანონოა საქართველოს ოკუპირებულ რეგიონებში რუსეთის ფედერაციის საპრეზიდენ...
12:36
სალომე ზურაბიშვილმა ორბელიანების სასახლეში მაღალმთიანი აჭარის ფოლკლორის საღამოს უმასპინძლა. მასში მონაწილეობა ვერ მიიღო ანსამბლმა "ფესვები”, რადგან, როგორც პრეზიდენტი განმარტავს ისინი გზიდა...
13:11
მეგობრებო, ძალიან არ მიყვარს პირადზე საუბარი საჯაროდ თუმცა ეხლა ჩავთვალე, რომ ჩემი დუმილი რაღაც პერიოდის განმავლობაში არასწორად შეიძლება იყოს აღქმული. იანვრიდან მოყოლებული მაქვს ჯანმრთელო...
13:52
რიგ კომპონენტებში, ეს შეეხება როგორც საბაკალავრო, ასევე სამაგისტრო პროგრამებს, როგორც არსებულ პროგრამებზე გარკვეული წილობრივი დოზით დაშვებული იქნება თეორიული სწავლებები ელექტრონულად, ასევე, ცალკე მიმა...
|
კომენტარები