0 2 : 5 1
 | 

პოლიტიკა

100 ათასობით ლარი "ქართულ ოცნებას" - შუალედურ არჩევნებამდე, მმართველი პარტია ბიზნესმენებისგან რეკორდულ შემოსავლებს იღებს

„ქართული ოცნების“ რეკორდული შემოსავლები შუალედური არჩევნების წინ - მმართველი პარტიის ანგარიშზე ასობით ათას ლარს რიცხავენ ბიზნესმენები, კერძო პირები და თბილისის მერი, კახი კალაძე.

თბილისი მერმა საკუთრ პარტიას 50 ათასი ლარი შესწირა. კომპანიების დიდ ნაწილს კი მმართველი პარტიის ანგარიშზე ამჯერად 100-100 ათასი ლარი შეაქვთ. აუდიტის სამსახურის მასალების მიხედვით, "ქართულ-ამერიკულ სამშენებლო საწარმოს" "ოცნებისთვის" 100 ათასი ლარი აქვს გადარიცხული. ამ კომპანიამ ჯერ 99 ათას 900 ლარი გადარიცხა, ხოლო შემდეგ კი თანხა 100 ათასამდე, 100 ლარის დამატებით გადარიცხვით დაამრგვალა. 

ბიძინა ივანიშვილის იურისტს, ალა კახნიაურს 20 ათასი ლარი აქვს შეწირული "ოცნებისთვის", 100 ათასი ლარი აქვს გადარიცხული "გაგრა პლუსს". აუდიტის სამსახურის მასალების მიხედვით, ვაჟა ციგროშვილს 50 ათასი, კომპანია "ჯეო სენდს" - 50 ათასი ლარი, "ჯეო კვარცს" - 50 ათასი ლარი, ვაჟა ლეკიშვილს - ასევე 50 ათასი, დავით კაპანაძეს - 100 ათასი ლარი აქვს შეწირული. ლაშა ბიბილურს მმართველი პარტიისთვის გადარიცხული აქვს 40 ათასი ლარი. 

აუდიტის სამსახურის მიერ გამოქვეყნებული მასალებით დგინდება, რომ ფიზიკურ პირს ივანე ბაქრაძეს 60 ათასი ლარი აქვს "ქართული ოცნებისთვის" შეწირული. ასევე რამდენიმე პირს კი მმართველი პარტიისთვის 6 ათას ლარამდე აქვს შეწირული, მათ შორის არიან არჩილ მამაცაშვილი, ზაზა ბერულავა, კონსტანტინე მურადაშვილი. 

„კურიერის“ ჟურნალისტი „ქართული ოცნების“ შემომწირველებს ესაუბრა. "გაგრა პლუსის" ხელმძღვანელი, ბორის გოგიჩაიშვილი სატელეფონო ინტერვიუს დროს აცხადებს, რომ 100 ათასი ლარი მმართველ პარტიას კეთილი ნების გამო შესწირა. მისი განცხადებით, წინა ხელისუფლების დროს ის დაკავებული იყო. მისი განცხადებით, "ქართული ოცნების" წევრებთან არ მეგობრობს. 

„მე არჩევნებისთვის არ გადამირიცხავს. საერთოდ დავეხმარე „ქართულ ოცნებას.“ დღეს გადავრიცხავ, 6 თვის შემდეგ, თუ ერთი წლის შემდეგ, რა მნიშვნელობა აქვს. წინა მთავრობის დროს დაჭერილი ვიყავი, რაც მქონდა ქონება, ყველაფერი წამართვეს, ვერ მოვითქვი სული, ახლა კარგად ვარ, გენაცვალე და ახლა გადავრიცხე,“ - განაცხადა ბორის გოგიჩაიშვილმა, რომელიც აღნიშნავს, რომ მას ღვინის ბიზნესი აქვს.

"კურიერი" "ქართულ-ამერიკული სამშენებლო საწარმოს" დირექტორსაც ესაუბრა. გიორგი რობაქიძე ამბობს, რომ "ქართული ოცნება" უყვარს და სწორედ ამიტომ გადაწყვიტა, მისთვის თანხის შეწირვა. 

კომენტარები

მსგავსი სიახლეები

  • 18:50

    აზერბაიჯანელი მესაზღვრეები საქართველოს მიერ კონტრო...

    აზერბაიჯანელი მესაზღვრეები საქართველოს მიერ კონტროლირებად ტერიტორიაზე იმყოფებიან. ისინი დავით გარეჯის ფერდობებიდან მიმდინარე პროცესებს აკვირდებიან.გზის გასაყვან სამუშაოებს აზერბაიჯანული მხარე შეუჩერებ...

  • 18:24

    ,,უნდა შეიგნოს დამსაქმებელმა რომ არ აქვს ყველაფრის...

    შიმშილობის მე-8 დღე და მასშტაბური პროტესტი ჭიათურაში - ქალაქში ყველა მცირე საწარმო გაჩერებულია. გაფიცულები „ჭიათურ მანგანუმის“ შენობასთან რჩებიან.ხვალიდან მოშიმშილეებს 7 ადამიანი შეუერთდება და კომპანი...

  • 11:04

    "პრეზიდენტი არ უნდა ეხებოდეს ჭიათურაში მიმდინარე შ...

    სალომე ზურაბიშვილი მიიჩნევს, რომ ჭიათურაში მაღაროელების პროტესტის საკითხს საქართველოს პრეზიდენტი არ უნდა შეეხოს. ამის შესახებ ის „ფეისბუკის“ საკუთარ გვერდზე წერს."პრეზიდენტი არ უნდა ეხებოდეს ჭიათურაში...

  • 16:15

    მამუკა ბახტაძე - "ქართული ოცნების’’ ხელისუფლების პ...

    საქართველოს პრემიერ-მინისტრის მამუკა ბახტაძის განცხადებით, "ქართული ოცნების’’ ხელისუფლების პირობებში კიდევ ერთი დემოკრატიული არჩევნები, თავისუფალ გარემოში ჩატარდა.თავისუფალი არჩევანი არის ჩვენი პოლიტი...

  • 16:07

    მიხეილ ბატიაშვილი - გვყავს N რაოდენობით სტუდენტი, ...

    ალოგიკური სიტუაციაა, ერთი მხრივ, გვყავს N რაოდენობით სტუდენტი,რომელიც N რაოდენობის სხვადასხვა ფაკულტეტს ამთავრებს, მეორე მხრივ, გვაქვს მოთხოვნები სამუშაო ადგილებზე და რეალურად ძალიან რთულია იპოვო მაღა...

  • 16:02

    დავით გარეჯში აზერბაიჯანულმა მხარემ გზის გაყვანა დ...

    დავით გარეჯის სამონასტრო კომპლექსის ტერიტორიაზე, საზღვართან აზერბაიჯანულმა მხარემ გზის გაყვანა დაიწყო. ინფორმაციას და ფოტო-ვიდეომასალას ადგილობრივი გიდი, ზვიად ანანიაშვილი ავრცელებს.მისი ცნობით, ჩიჩხი...

  • 15:08

    სალომე ზურაბიშვილი - მივესალმები საქართველოსა და ა...

    საქართველოს პრეზიდენტი  საზღვრის დელიმიტაციის საკითხზე ქართულ-აზერბაიჯანულ მხარეებს შორის მოლაპარაკებების განახლებას მიესალმება."მივესალმები საქართველოსა და აზერბაიჯანის სახელმწიფო საზღვრის,...

×