1 6 : 4 3
 | 

პოლიტიკა

საპენსიო სააგენტოს საინვესტიციო საბჭოს წევრის ხელფასი 60 ათას დოლარამდე იქნება, სახელმწიფო საბჭოს წევრების სამგზავრო ხარჯებსაც სრულად დაფარავს

საპენსიო სააგენტოს საინვესტიციო საბჭოს წევრების შესარჩევად საერთაშორისო კონკურსი 23 მარტს გამოცხადდა.

კონკურსის მეშვეობით 5 ადამიანი შეირჩევა, მათგან სამი 5 წლის ვადით, ორი კი სამი წლის ვადით. საბჭოს წევრთა ანაზღაურება წელიწადში 60,000 დოლარამდე იქნება. გარდა ამისა, კონკურსის პირობებით, სახელმწიფო საბჭოს წევრების სამგზავრო ხარჯებსაც სრულად დაფარავს.

როგორც განაცხადშია აღნიშნული, არ არის აუცილებელი ეს პირები მუდმივად საქართველოში იმყოფებოდნენ. თუმცა, კონკურსის თანახმად, გამარჯვებულ კანდიდატებს საქართველოში მინიმუმ წელიწადში ერთხელ მოუწევთ ჩამოსვლა. სამუშაო საათების რაოდენობა კი წლის განმავლობაში 72 საათი უნდა იყოს.

ამასთან, როგორც განაცხადშია აღნიშნული, საბჭოს წევრებმა მინიმუმ ყოველ კვარტალურად უნდა განახორციელონ სააგენტოს საინვესტიციო საქმიანობის მონიტორინგი და შეფასება. თუმცა, ამ ტიპის შეხვედრები შესაძლოა ელექტრონული კომუნიკაციის საშუალებითაც მოხდეს.

კონკურსი 30 კალენდარული დღის ვადით არის გამოცხადებული. აპლიკანტების განხილვა კი 5 დღეში მოხდება.

კომენტარები

მსგავსი სიახლეები

×