0 3 : 1 1
 | 

პოლიტიკა

"კვირიკაშვილს აღარ ჰქონდა ნდობა აღარც პარლამენტის და აღარც მთავრობის" - ივანიშვილი

კვირიკაშვილს აღარ ჰქონდა ნდობა აღარც პარლამენტის და აღარც მთავრობის... მას არ დარჩა არჩევანი და ის გადადგა - ეს განცხადება, პარტია „ქართული ოცნება-დემოკრატიული საქართველოს“ თავმჯდომარე ბიძინა ივანიშვილი პირველი არხის გადაცემაში, „აქტუალური თემა მაკა ცინცაძესთან ერთად“ გააკეთა.

ივანიშვილმა კვირიკაშვილის გადადგომის მიზეზებზე იმ შეხვედრაზე ისაუბრა, რომელიც თავად ბიძინა ივანიშვილის, უკვე ყოფილი პრემიერ კვირიკაშვილის, მთავრობის მაშინდელი წევრებისა და საპარლამენტო უმრავლესობის მონაწილეობით გაიმართა.როგორც ბიძინა ივანიშვილმა აღნიშნა, გიორგი კვირიკაშვილის თანამდებობიდან წასვლის მიზეზი იყო ის, რომ ყოფილ პრემიერ-მინისტრს აღარ შეეძლო მართვა. ივანიშვილი ამბობს, რომ შეხვედრაზე გიორგი კვირიკაშვილს მძიმე კითხვებზე მოუწია პასუხის გაცემა.კიდევ ერთი ფრაზე, რომელიც ივანიშვილმა კვირიკაშვილის მმართველობის კახსენა, ბიზნესის ლობირებას შეეხებოდა

.„მართვის ის მეთოდები, რომელსაც გიორგი კვირიკაშვილი იყენებდა, არ იყო ეფექტური. უფრო გასაგებად რომ ვთქვათ, კვირიკაშვილი ვერ ახერხებდა გუნდურ მმართველობას, რაც აუცილებელია ზოგადად მართვაში, მით უმეტეს პატარა ქვეყნისა და ჩვენი გუნდის შემთხვევაში. პარლამენტი პრაქტიკულად ჩახსნილი იყო, გადაწყვეტილებების მიღების პროცესში არ მონაწილეობდა. 

მთავრობაშიც მას ჰყავდა მეგობრები და ამაში ცუდი არაფერი არ არის. მაგრამ ძალიან ხშირად მთავრობაშიც ვერ ხერხდებოდა პრინციპული საკითხების განხილვა და შეჯერება. როგორც ჩანდა, გიორგი კვირიკაშვილი ძირითადად ორ კაცთან, ალავიძესთან და ქუმსიშვილთან ახერხებდა გადაწყვეტილებების შეთანხმებასა და ზოგიერთი დაგვიანებული გადაწყვეტილება, მყისიერად, მოუმზადებლად შემოდიოდა საზოგადოებაში. გუნდის მზაობა არ შეიმჩნეოდა, მით უმეტეს პარლამენტის. 

ეს პრობლემა გუნდზეც აისახებოდა. კვირიკაშვილის მართვის ამ მეთოდის გამო, გუნდს დაეტყო, რომ დაშლას იწყებდა. მიზანი, რისთვისაც იყო გუნდი მოწოდებული, მათ რიცხვში პარლამენტიც, მონაწილეობა მიეღო სახელმწიფოს განვითარების პროცესში, ვერტიკალი, სიმკაცრე საერთოდ ირღვეოდა“, – განაცხადა ბიძინა ივანიშვილმა.

კომენტარები

მსგავსი სიახლეები