1 9 : 1 0
 | 

პოლიტიკა

შალვა შავგულიძე საკუთარ კანდიდატურას პროტესტის ნიშნად ხსნის

შალვა შავგულიძე საკუთარ კანდიდატურას პროტესტის ნიშნად ხსნის, - ამის შესახებ საპროკურორო საბჭოს წევრმა და პოლიტიკური პარტია „ევროპული საქართველოს“ წევრმა ოთარ კახიძემ ჟურნალისტებთან საუბრისას განაცხადა. 

ოთარ კახიძის თქმით, პროკურორის არჩევის პროცესს არც თავად დაესწრება. კახიძე საკუთარ გადაწყვეტილებას იმით ამართლებს, რომ პროკურორის არჩევის პროცესი არის დახურული მედიისთვის.

„სხდომის გახსნისთანავე დავაყენე მოთხოვნა, რომ კანდიდატებთან გასაუბრება ღია ყოფილიყო მედიისთვის. მნიშვნელოვანია საზოგადოებამ კანდიდატების პასუხები მიიღოს ლაივ რეჟიმში და თავად შეაფასოს, მაგრამ საპროკურორო საბჭომ ჩვენი ეს მოთხოვნა არ გაითვალისწინა. ვერ ვხედავ აზრს მივიღო მონაწილეობა ამ პროცესში. რა თქმა უნდა, შალვა შავგულიძეც იგივე პოზიციაზეა. ჩვენ არ გვქონია ილუზია, რომ საპროკურორო საბჭო აირჩევდა მთავარ პროკურორად შავგულიძეს", - განაცხადა ოთარ კახიძემ.

კომენტარები

მსგავსი სიახლეები