გერმანულ მედია-საშუალებებში Escada -ს ღირებულება 30 მლნ ევროდ არის შეფასებული. უახლოესი ორი წლის განმავლობაში ახალმა მფლობელმა კომპანიის განვითარებისათვის დამატებით 100 მლნ ევრო უნდა გაიღოს.

ქალის ტანსაცმლის მოდის სახლმა Escada -მ, სადაც 2300 ადამიანი მუშაობს, გაკოტრების შესახებ სასამართლოს აგვისტოში მიმართა. მანამდე Escada -ს შეძენას, უცნობ ინვესტორებთან ერთად, მიუნჰენელი ადვოკატი აპირებდა.

ლაქშმი მითალი მსოფლიოში უდიდესი მეტალურგიული კომპანია ArcelorMittal-ის მფლობელია. აპრილში ბრიტანულმა გამოცემა The Telegraph-მა მითალის ქონება 10,8 მლრდ გირვანქა სტრელინგად შეაფასა.