პირობას გაძლევთ, რომ სწორედ „ქართული ოცნების“ პირ...
🇬🇪🇪🇺 რა თქმა უნდა, საქართველოს მომავალი არის ევროპა! ვინმე ამაზე კითხვის ნიშანს სვამს? თუ რაიმე წარმატებას მივაღწიეთ ევროინტეგრაციის გზაზე, ქართული პასპორტით ევროპულ ქვეყნებში რომ თავისუ...
|
ლიკა მეტრეველი : 21 კვირის ფეხმძიმე ვარ. ქორწინებიდან ერთი თვის თავზე გავიგე, რომ ორსულად ვიყავი. იმ დროს სახლში მარტო ვარ, ვასო სამსახურშია. ვეღარ მოვითმინე, საღამოს დავლოდებოდი და რომანტიკულად მეთქვა ვასოსთვის.
ვასო: ეგრევე დამირეკა კახურად, პირდაპირ: რახვაან – „ლაბავოი” გამოუშვა.
ლიკა: პირდაპირ ვუთხარი, ვასო, ფეხმძიმედ ვარ-მეთქი. ნახევარი საათი ყვიროდა, მგონი. ცოტა ხანში რომ გადმომირეკა, ისევ ისეთი ტონი და ემოცია ჰქონდა.
– საჩუქარი არ გაუკეთე მეუღლეს?
– თუ არ ვცდები, მაგ დღეს მომიტანა სახლში იასამნები, თუ ვარდები. თან, ვაზა არ გვქონდა სახლში, რადგან ვასო მანამდე იქ არ ცხოვრობდა. ახლაც, რაღაცის გაკეთებას რომ ვიწყებთ: უი, ეს არ გვაქვს, ვიწერთ, რომ მერე შევიძინოთ.
ვასო: ერთი ქალი ყიდდა იასამნებს, რაც ჰქონდა, ყველა გამოვართვი. გაკვირვებული მეკითხებოდა, ამდენი რად გინდაო. მერე გამახსენდა, რომ ამხელა ვაზა არ გვქონდა. შევედი ყვავილებით „გუდვილში“, გამყიდველები ღადაობდნენ, ჯერ ვაზა გეყიდა და მერე ყვავილებიო.
ლიკა: ფეხმძიმობა კარგად მიდის. თავიდან მქონდა ტოქსიკოზი, უხასიათობა, მაგრამ სამი თვის შემდეგ, ყველაფერი მწყობრში ჩადგა. ბავშვს თებერვალში ველოდებით.
ვასო: რაც უყვარდა, ისინი აღარ უყვარს, ოღონდ ჩემ გარდა – მე ისევ ვუყვარვარ. თევზი უყვარდა ძალიან და აღარ უყვარს. ჩემი სუნამოც ჩავაბარე წარსულს.
ლიკა: იმ ეტაპზე გრძნობები, შეგრძნებები ძალიან მქონდა გამძაფრებული. სახლის სუნზეც კი რეაქცია მქონდა. ხან ვასოს დედასთან გავრბოდი, ხან დედაჩემთან. ვერ ვჩერდებოდი სახლში. რთულად ასატანი ვიყავი. მქონდა მომენტები, როცა დავჯდებოდი და ვიწყებდი ტირილს.
ვასო: მე ვერ ვხვდებოდი, ვეკითხებოდი: რა გატირებს ლიკა-მეთქი.
ლიკა: თავიდან სერიოზული სახით მიყურებდა, მაგრამ მერე მეორედ, მესამედ, რომ განმეორდა, უკვე სიცილს იწყებდა, ღადაობდა ჩემს ტირილზე. მე მაინც ვტიროდი და არ ვჩერდებოდი.
ვასო: მაგალითად, ტიროდა „რწყილი და ჭიანჭველაზე“: რატომ ჩავარდა ჭიანჭველა წყალშიი..
– როგორი ემოცია გქონდათ, როდესაც ბავშვის სქესი გაიგეთ?
– მამების ამბავი ხომ იცი: „არ ვიცი ახლა, რა დავიწყე. შემქმნელი მე ვარ, ბიჭი იქნება...“ ექოსკოპიაზეც რომ მივედი, მეგონა ბიჭი იქნებოდა. თუმცა, ჩემთვის სულერთი იყო: გოგო იქნებოდა თუ ბიჭი. სამი დისშვილი მყავს, სამივე გოგო და მიჩვეულიც ვიყავი, გამოცდილებაც მქონდა. მაგრამ, ლიკას კივილმა ჩაჩავას კლინიკა დაცალა. ძალიან გაუხარდა, გოგოს რომ ელოდებოდა.
ლიკა: ცხრა კვირის ვიყავი, პირველად ექოსკოპიაზე რომ მითხრეს: ბიჭს ჰგავსო. ხმა არ ამოვიღე. ერთი, დედაჩემს ვუთხარი: შეიძლება, ბიჭი იყოს-მეთქი. ვასოს დავუმალე, არ მინდოდა, ძალიან გახარებოდა, რადგან მე გოგო მინდოდა. ეგოისტური მომენტი მქონდა. კიდევ რომ წავედით ექოსკოპიაზე, დარწმუნებული ვიყავი, გოგო იქნებოდა და რომ მითხრეს, გოგოაო, იმხელას ვყვიროდი... ყველა თეთრხალათიანს – ვიცნობდი არ ვიცნობდი, ვეუბნებოდი: გოგოს ველოდები-მეთქი. ვასოსთვის პირველი დღე მაინც შეგუების მომენტი იყო. მეორე დღიდან კი უკვე: ჩემი გოგონები, რა გინდათ, აბა რა გავაკეთო. ძალიან მზრუნველია ჩემზე მეტადაც კი. მისგან ბევრ რამეს ვსწავლობ. თუნდაც, როგორ უნდა მოვიქცე გარკვეულ სიტუაციებში.
– უკვე დაიწყე იმის გაცნობიერება, რომ მალე მამა გახდები?
ვასო: როგორც მეუბნებიან, სანამ ხელში არ დავიჭერ ბავშვს, მანამდე ამას ვერ გავაცნობიერებ. ცოლი კლასიკას ასმენინებს, ყურსასმენებს გაიკეთებს მუცელზე და ასმენინებს. თვითონ არ უყვარს კლასიკა.
ლიკა: ჩემი აზრით, გიჟი მამა იქნება, აბსოლუტურად ყველა საკითხში.
– სახელი მოიფიქრეთ?
– სახელი ვიცით, მაგრამ ჯერ საიდუმლოდ დარჩეს. თავიდანვე შევთანხმდით ბიჭის სახელზეც და გოგოს სახელზეც – მანამდე, სანამ შევუღლდებოდით.
– ვასო, ხომ არ აპირებ მშობიარობას დაესწრო?
ვასო: არა, რა დასწრება, შეიძლება, მე „დავიბრიდო” იქვე.
ლიკა: რომ შეეძლოს და სურვილი ჰქონდეს, რატომაც არა.
ვასო: ძალიან ემოციური ვარ, არ შემიძლია ასეთი რაღაცეები.
– ექიმთან, ექოსკოპიაზე დაყვები ხოლმე?
ლიკა: ამ მხრივ, საკმაოდ აქტიურია. თავიდან იყო ბევრი ორსული ქალი, მე და ვასო. ცოტა ისე ვიყავი... მაგრამ, მერე ძალიან ვამაყობდი იმით, რომ ვასო იყო ჩემ გვერდით.
ვასო: განსაკუთრებით მოსწონს, ვასოს რომ დაინახავენ და ურიგოდ უშვებენ.
– ქორწილის ამბავი ისევ გადაიდო?
ლიკა: მინდა, თეთრ კაბაში ლამაზად გამოვიყურებოდე. ორსული ქალიც ლამაზია, მაგრამ მინდა, სხვანაირ ფორმაში ვიყო. ასე რომ, როდესაც ბავშვს გავაჩენ, მერე გადავიხდით ქორწილს.
– ძალიან გიხდება ორსულობა. ისედაც ხომ ლამაზი იყავი და ახლა კიდევ უფრო ლამაზი ხარ.
ვასო: გავალამაზე. მამამისმა და დედამისმა რაც დააკლო, მე დავუმატე, გავაშალაშინე.
ნათია უტიაშვილი "თბილისელები "
🇬🇪🇪🇺 რა თქმა უნდა, საქართველოს მომავალი არის ევროპა! ვინმე ამაზე კითხვის ნიშანს სვამს? თუ რაიმე წარმატებას მივაღწიეთ ევროინტეგრაციის გზაზე, ქართული პასპორტით ევროპულ ქვეყნებში რომ თავისუ...
ვინც ჩუმად ხართ და ხმას არ იღებთ... ან ვერ იღებთ.. იცოდეთ მეც მეშინია რო ხმის ამოღების მერე რამეს დავკარგავ... მეც მეშინია რო შეიაძლება ცხოვრება გამირთულდეს... ან ერთი გზით იძიონ შ...
ფეხბურთელი ბუდუ ზივზივაზე "ქართული ოცნების" მიერ წარდგენილ "რუსულ"კანონპროექტს ეხმაურება: არა რუსეთს ❌ საქართველოს გზა ევროპაშია ✊ პ.ს მადლობა არავინ გადამიხადოს რადგან იმას ვამბობ...
გიორგი კეკელიძე დაქორწინდა. მისი რჩეული მარიამ სოსელიაა. ის ერთ-ერთი კომპანიის მარკეტინგის მენეჯერია. „დღეს 40 წლის გავხდი და დავქორწინდი“ - წერს მწერალი სოციალურ ქსელში. ...
დღეს UFC პირველი ქართველი ჩემპიონი Ilia Topuria ბერი ანდრიას ფონდი/Monk Andrew's Foundation - ის ბენეფიციარებს ესტუმრა და ფონდის კეთილი ნების ელჩის წოდება გადავეცით. მიხარია, რომ ამ ...
ჩემო სიყვარულებო, ჩემო უმაგრესო ადამიანებო, გიზიარებთ გულისტკენას, მაგრამ გპირდებით, ყველაფრის ფასად სულ თქვენს გვერდით ვიქნები…. დიდი მადლობა თქვენ პირველ რიგში და დი...
გადაცემა “ მოდი ვილაპარაკოთ ია ფარულავასთან ერთად “ ფორმულაზე იქნება თებერვლის ბოლომდე . არხის სტრატეგია იცვლება და გასართობი გადაცემები იხურება . დიდი მადლობა ვინც მუშაობდა ჯერ “ ია...
აპრილი 2024 | ||||||||||||||||||||||||||||||||||||||||||||
| ||||||||||||||||||||||||||||||||||||||||||||
|
კომენტარები