,,ვარ ქიმიოთერაპიის პროცესში, დარწმუნებული ვარ ამ ...
პარლამენტის ოპოზიციონერი დეპუტატი, ხათუნა სამნიძე მძიმე სენს ებრძვის. ის ახლა ქიმიოთერაპიის კურსს გადის, რაზეც ტელეკომპანია “ფორმულაზე” თავად ისაუბრა. "ქალ დეპუტატებთან ერთად ამ მძიმე ბრძო...
"ზურგში დანაგარჭობილი ორსული გოგოს საშინელმა კივილმა შეძრა სოფელი- ხათუნა ქმარმა მოკლა...."
ჟურნალისტი ია გულიაშვილის სოციალურ ქსელში სტატუსს აქვეყნებს:
"დათომ და ხათუნამ ერთმანეთი ხათუნას მამის სოფელში გაიცნეს. გაიპარნენ და შვილის მოლოდინის სიხარულსაც მიეცნენ. ბანალური იქნებოდა ამბავი, შემოდგომის ერთ შემზარავ დღედ რომ არ ქცეულიყო -ზურგში დანაგარჭობილი ორსული გოგოს საშინელმა კივილმა შეძრა სოფელი- ხათუნა ქმარმა მოკლა....
საიდუმლო ისტორიის მომდევნო ეტაპი მთელ წელს გაგრძელდა. მოკლული ქალის ინტერესებს ჩემი უფროსი და იცავდა.
ყველაფერი თავდაყირა იდგა. მკვლელს პატრონი გამოუჩნდა. ირბინეს, ხალხი შეაწუხეს და მხარემ დამნაშავის ფსიქიატრიულში მოთავსებაზე ზრუნვა დაიწყო. ისიც კი ითქვა, პროკურატურის საგამოძიებო ნაწილმა 5000 დოლარი აიღოო.
საქმე კახეთის იმდროინდელ პროკურორამდე, ახალგაზრდა გიგლა აგულაშვილამდე მივიდა. გიგლამ, რომელმაც თურმე ცრემლი ვერ შეიკავა, საქმის დაშლის და ხელახალი ძიების ბრძანება გასცა.
თავიდან დაიკითხნენ მოწმეები, მათ შორის ხათუნას არასრულწლოვანი და-ძმა. რომლებიც ყვებოდნენ, როგორ ლესავდა სიძე დანებს. როგორ უშანთავდა სიგარეტით მათ დას სხეულს. როგორ ატირებდა ღამ-ღამობით და ემუქრებოდა, თუ გათქვამდა, ბავშვებსაც ზედ დააკლავდა.
მანიაკალური თვისებებით აღჭურვილი ეჭვიანობდა, თითქოს ბავშვს ქალი მამამთილისგან აჩენდა. ეჭვიანობდა საკუთარ ძმაზე, ამხანაგებსა და თითქმის ყველა ნათესავზე. სასოწარკვეთილმა ქალმა მოძალადე ქმრისგან წასვლა გადაწყვიტა და მამიდა დაიბარა. ის იყო კიბეზე ჩავიდა, ქმარმა დამშვიდობება სთხოვა. სინამდვილეში კი გადაეხვია და უბეში დამალული 18 სანტიმეტრიანი დანა თითქმის ძირამდე ჩაარჭო.
ბოლო სასამართლო პროცესის წინ, სიზმარში ხათუნამ დედას დაუბარა, მოდით და 16 ჯერ მაკოცეთო. მკვლელს 16 წლიანი პატიმრობა მიესაჯა. რამდენიმე წელიწადში კი ხმა გავარდა, დათო ციხეში გარდაიცვალაო. მშობლებმა საფლავზე მისივე სიმაღლის ქანდაკება აღმართეს. მას შემდეგ აღარ მინახავს ხათუნას დედა, პაწაწუნა, მაგრამ, უსამართლობისგან გავეშებული ქალი : მე მოვკალი ჩემი შვილი და მე დამიჭირეთო, სიმწრით რომ ყვიროდა!! არც ხათუნას და-ძმაზე მსმენია რამე.
ხვალ, ფემიციდის ახალი მსხვერპლი, 24 წლის თაკოც საბოლოოდ გავა ამ ქვეყნიდან....."
კომენტარები