0 8 : 5 0
 | 

საზოგადოება

“სიტი პარკი” ბიზნეს ომბუდსმენს მიმართავს და სათანადო რეაგირებას მოითხოვს

როგორც მოგეხსენებათ ა/წლის 13 მარტს სატელევიზიო ეთერის მეშვეობით დედაქალაქის მერმა ბატონმა კახა კალაძემ გამოაცხადა ქალაქის მთავრობის გადაწყვეტილება  შპს „სი-ტი პარკ“-თან 2007 წლის 7 დეკემბერს გაფორმებული ხელშეკრულების შეწყვეტის თაობაზე. 

პირველ რიგში, უნდა აღინიშნოს, რომ გადაწყვეტილება მიღებულ იქნა და შემდგომში სატელევიზიო განცხადება გაკეთდა კომპანიის ყოველგვარი წინასწარი ინფორმირების გარეშე, მაშინ როდესაც კომპანიაში დასაქმებული ინსპექტორები დედაქალაქის ქუჩებში ასრულებდნენ მათზე დაკისრებულ მოვალეობას. მიგვაჩნია, რომ ასეთი გადაწყვეტილებები არ შეიძლება ხელშემკვრელი მხარისათვის ცნობილი ხდებოდეს პირდაპირი ეთერების გზით, მერის ამ განცხადებამ საფრთხის ქვეშ დააყენა დასაქმებულ პირთა უსაფრთხოება და დრამატულად იმოქმედა კომპანიის საქმიანობის პროცესზე. 

მიგვაჩნია, რომ თბილისის მერის, ბატონი კახა კალაძის გადაწყვეტილება შპს „სი-ტი პარკ“-თან გაფორმებული ხელშეკრულების ცალმხრივი შეწყვეტის შესახებ არის უკანონო, პოლიტიკურად მოტივირებული და ყველაზე უარესი მაგალითი იმისა, თუ როგორ ეპყრობა საქართველოს ხელისუფლება უცხოელ ინვესტორებს. ხელისუფლებამ იმოქმედა არაკეთილსინდისიერად, უგულებელჰყო ინვესტორის ხელშეკრულებითა და კანონით გარანტირებული უფლებები. 

გაცნობებთ, რომ შპს „სი-ტი პარკს“ ორი სარჩელი აქვს სასამართლოში შეტანილი დედაქალაქის მთავრობის წინააღმდეგ და დავობს მის მიმართ კანონდარღვევის აბსურდული   ბრალდებების საკითხზე. მიუხედავად მერის განცხადებებისა, რომ ის კომპანიის წინააღმდეგ სამართლებრივ ჩარჩოებში იდავებდა, არც კი დაელოდა სასამართლოს  მიერ გადაწყვეტილების გამოცხადებას. ხელისუფლება ცდილობდა შეექმნა სამართლებრივი პროცესის მხოლოდ ილუზია მაშინ, როდესაც საბოლოო შედეგი (ხელშეკრულების უკანონო შეწყვეტა კანონზე და სასამართლოზე მაღლა მდგომი კონკრეტული ჯგუფების ინტერესების გამო) წინასწარ იყო განსაზღვრული. 

„სი-ტი პარკი“ განიხილავს ყველა შესაძლებლობას და მიმართავს ყველა საშუალებას, რომელსაც მას ანიჭებს ქართული და საერთაშორისო სამართალი. კომპანიამ უკვე დაწიყო ქმედითი ნაბიჯების გადადგმა და კომპანიის მფლობელები ასევე ავრცელბენ ამ ინფორმაციას ისრაელის და საერთაშორისო ბიზნეს საზოგადოებაში. აღნიშნული რა თქმა უნდა ცალსახად უარყოფითად აისახება საქართველოს საინვესტიციო კლიმატზე, რაც, როგორც ჩანს, არ აღელვებთ ძალაუფლების მქონე ბიუროკრატებს, რომლებიც მოქმედებენ საკუთარი კერძო ინტერესებიდან გამომდინარე. 

„საქართველოს ბიზნესომბუდსმენის შესახებ“ საქართველოს კანონის შესაბამისად, ბიზნესომბუდსმენი საქმიანობის პროცესში ხე­ლ­მ­ძღვანელობს სამართლიანობის, ობიექტურობის, მიუკერ­ძოებ­ლობისა და კანონიერების პრინციპებით. 

სწორედ ამიტომ, დარწმუნებული ვართ, რომ თქვენ შეძლებთ იმოქმედოთ თქვენი კომპეტენციის ფარგლებში და უცხოელ ინვესტორებს მისცემთ ქვეყანაში ბიზნეს საქმიანობის განხორციელების შესაძლებლობას სამართლიან გარემოში. გთხოვთ, მოახდინოთ სათანადო რეაგირება, თქვენი სამართლებრივი უფლებამოსილების ფარგლებში, წერილში აღნიშნულ პრობლემებთან დაკავშირებით. 

შპს „სი-ტი პარკ“-ის  გენერალური მენეჯერი, ბინიამინ ლაჰავი

კომენტარები

მსგავსი სიახლეები

  • 12:41

    მშობლები და პედაგოგები 139-ე სკოლაში დირექტორის გ...

    139-ე საჯარო სკოლის დირექტორს მშობლები და გათავისუფლებული პედაგოგები უპირისპირდებიან.ისინი დირექტორის გადადგომას მოითხოვენ და სკოლასთან დილიდან იკრიბებიან.სწავლის პროცესი არ არის ჩაშლილი, თუმცა მ...

  • 23:33

    20 აპრილის ასტროლოგიური პროგნოზი...

    ვერძინუ დაიტვირთავთ თავს ახალი საქმეებითა და ვალდებულებებით. მეტად დაისვენეთ, სასიამოვნო საქმიანობით დაკავდით. მოსალოდნელია გაუთვალისწინებელი ხარჯი. სასიამოვნო ცვლილება გელით პირად ცხოვრებაში. კუ...

  • 23:31

    მეიდანზე, რესტორან „მაჭახელაში“ ხანძარი ლოკალიზებუ...

    მეიდანზე, რესტორან „მაჭახელაში“ ხანძარი ლოკალიზებულია.თბილისის სახანძრო-სამაშველო სამმართველოს უფროსის ანდრე ქუჯაიძის ინფორმაციით, ადგილზე 60-მდე მეხანძრე-მაშველი მუშაობდა, მიმდინა...

  • 22:49

    "ცოლს უთხრა, ათ წუთში რომ აღარ ვიყო არ შეგრცხვებაო...

      ვარკეთილში 35 წლამდე მამაკაცმა სადარბაზოში თავი ჩამოიხჩო. გავრცელებული ინფორმაციით , ის ცოლს ეკამათა ტელეფონით და შემდეგ მიიღო ეს გადაწყვეტილება" ცოლს უთხრა, 10 წუთში რომ აღარ ვიყო არ შეგრცხვებ...

  • 21:56

    მეიდანზე „მაჭახელა“ იწვის - რესტორანი მთლიანად ცეც...

    ძლიერი ხანძარია თბილისის ცენტრში. მეიდანზე რესტორანი „მაჭახელა“ იწვის. ცეცხლის გაძლიერებას ქარიც ხელს უწყობს. როგორც ცნობილია, ხანძარი რესტორნის მესამე სართულზე გაჩნდა. რესტორნიდან ხალხის ევაკუაც...

  • 18:42

    რომელი პრეპარატები უნდა გამოიყენოს მოსახლეობამ ფა...

    სურსათის ეროვნული სააგენტო მოსახლეობას რეკომენდაციებს აძლევს თუ რომელი პრეპარატები გამოიყენონ აზიურ ფაროსანასთან ბრძოლაში.სააგენტოში განმარტავენ, რომ რეკომენდებულია ბიფენტრინის ჯგუ...

  • 14:37

    "ზურგში დანაგარჭობილი ორსული გოგოს საშინელმა კივილ...

    ჟურნალისტი ია გულიაშვილის სოციალურ ქსელში სტატუსს აქვეყნებს:"დათომ და ხათუნამ ერთმანეთი ხათუნას მამის სოფელში გაიცნეს. გაიპარნენ და შვილის მოლოდინის სიხარულსაც მიეცნენ. ბანალური იქნებოდა ამბავი, შემოდ...