,,ვარ ქიმიოთერაპიის პროცესში, დარწმუნებული ვარ ამ ...
პარლამენტის ოპოზიციონერი დეპუტატი, ხათუნა სამნიძე მძიმე სენს ებრძვის. ის ახლა ქიმიოთერაპიის კურსს გადის, რაზეც ტელეკომპანია “ფორმულაზე” თავად ისაუბრა. "ქალ დეპუტატებთან ერთად ამ მძიმე ბრძო...
ეროვნული სკრინინგ ცენტრი ზესტაფონის ფეროშენადნობთა ქარხნის თანამშრომლებს უფასო გამოკვლევებს ჩაუტარებს
4-6 აგვისტოს, თბილისის მერიის ეროვნული სკრინინგ ცენტრი შპს “ჯორჯიან მანგანეზში” შემავალ ზესტაფონის ფეროშენადნობთა ქარხნის თანამშრომლებისთვის უფასო სამედიცინო გამოკვლევებს ჩაატარებს.
ცენტრის სპეციალისტები ზესტაფონს თანამედროვე სამედიცინო ტექნიკით აღჭურვილი მამომობილით ეწვევიან და პაციენტების ნაწილს “ფერო-მედის” შენობაში, ნაწილს კი მამომობილში მიიღებენ
სპეციალისტები უფასო კვლევებს შემდეგი მიმართულებებით ჩაატარებენ:
• ძუძუსა და საშვილოსნოს ყელის გამოკვლევა;
• მსხვილი ნაწლავის გამოკვლევა;
• პროსტატის გამოკვლევა.
სკრინინგის პროგრამით, ძუძუს გამოკვლევები 40-დან 70 წლის ასაკის, საშვილოსნოს ყელის გამოკვლევები – 25-დან 60 წლის, მსხვილი ნაწლავის გამოკვლევები 50-დან 70 წლის, ხოლო პროსტატის გამოკვლევა 50-დან 70 წლის პირებს ჩაუტარდებათ.
აღსანიშნავია, რომ ზესტაფონის ფეროშენადნობთა ქარხანაში 2000-მდე პირია დასაქმებული. ეროვნული სკრინინგ ცენტრი, გამოკვლევებს ეტაპობრივად ჩაატარებს და 500-მდე პაციენტს მოემსახურება.
კომენტარები