,,ვარ ქიმიოთერაპიის პროცესში, დარწმუნებული ვარ ამ ...
პარლამენტის ოპოზიციონერი დეპუტატი, ხათუნა სამნიძე მძიმე სენს ებრძვის. ის ახლა ქიმიოთერაპიის კურსს გადის, რაზეც ტელეკომპანია “ფორმულაზე” თავად ისაუბრა. "ქალ დეპუტატებთან ერთად ამ მძიმე ბრძო...
სამების საკათედრო ტაძარში ხანძარი შეგნებულად იყო გაჩენილი - დეკანოზი გიორგი მამალაძე
სამების საკათედრო ტაძარში ხანძარი შეგნებულად იყო გაჩენილი - ე.წ. ციანიდის საქმეზე ბრალდებული დეკანოზი მატროსოვის ციხიდან კიდევ ერთ სკანდალურ განცხადებას ავრცელებს. მამა გიორგი მამალაძემ ადვოკატთან საუბრისას აღნიშნა, რომ ქვეყნის ყველაზე დიდი ტაძარი ერთი წლის და 4 თვის წინ ძვირფასი ნივთებისა და ოქროს მოპარვის მიზნით, განგებ დაწვეს.
ხანძარი სამებაში პატრიარქის ქორეპისკოპოს იაკობსა და დაკავებულ დეკანოზ შორის ურთიერთბრალდებების ახალი მიზეზი გახდა. ე.წ. ციანიდის საქმის ბოლო სხდომაზე პროკურორმა ჟურნალისტებს უთხრა, რომ ნახანძრალის აღდგენისა და რემონტისთვის გამოყოფილი 2 მილიონი ლარის მითვისებას, ციხეში მყოფი მამა გიორგი ცდილობდა.
შინაგან საქმეთა სამინისტროს გამოძიება ამ დრომდე არ დაუსრულებია. უწყებაში დღეს ამ საკითხთან დაკავშირებით „კურიერს“ კომენტარი არ მისცეს.
სარემონტო და აღდგენითი სამუშაოების თითქმის 80 პროცენტი დასრულებულია. უახლოეს მომავალში საბერძნეთიდან ბრები და მარმარილოს ფილები ჩამოვა, რადგან ხანძარმა კედლები და ჭერი სრულად გაანადგურა.
http://rustavi2.ge
კომენტარები