1 5 : 0 4
 | 

მთავარი თემა

პროკურატურამ მე-8 და რუსთავის მე-6 საპატიმროს 5 თანამშრომლი დააკავა

პროკურატურამ პატიმართა მიმართ დამამცირებელი და არაადამიანური მოპყრობის ბრალდებით სასჯელაღსრულების დაწესებულების გლდანის მე-8 დაწესებულების და რუსთავის მე-6 დაწესებულების 5 ყოფილი მაღალჩინოსანი დააკავა. 

ამასთან დაკავშირებით საქართველოს მთავარ პროკურატურაში ბრიფინგი გაიმართა. 

"საქართველოს პროკურატურის თანამშრომლებმა პატიმართა მიმართ დამამცირებელი და არაადამიანური მოპყრობის ბრალდებით, სასამართლოს განჩინების საფუძველზე, სასჯელაღსრულების დეპარტამენტის გლდანის N8 დაწესებულების და რუსთავის N6 დაწესებულების ხუთი ყოფილი თანამშრომელი დააკავეს. გამოძიებით დადგინდა, რომ 2011-2012 წლებში, სასჯელაღსრულების დეპარტამენტის N8 დაწესებულების სამართლებრივი რეჟიმის განყოფილების უფროსი და ამავე განყოფილების თანამშრომლები ლ.ბ. და დ.ხ., დასჯისა და დაშინების მიზნით პატიმრებს უსწორდებოდნენ ფიზიკურად და აყენებდნენ ღირსებისა და პატივის შემლახავ მდგომარეობაში. 

დადგინდა, რომ ბრალდებულები დაწესებულებაში შესახლებისას, პატიმრებს განურჩევლად უსწორდებოდნენ ძალადობრივი მეთოდებით, აყენებდნენ მათ სიტყვიერ და ფიზიკურ შეურაცხყოფას, ხოლო შემდგომ პერიოდშიც ამავე პატიმართა მიმართ ძალადობას ჰქონდა სისტემატიური ხასიათი, რისი მიზანიც იყო მათი უსიტყვო მორჩილება. 

ბრალდებულთა ქმედებების შედეგად პატიმრებს უკანონოდ შეზღუდული ჰქონდათ გასეირნების, სატელეფონო საუბრებისა და მიმოწერის უფლება. არ ჰქონდათ სამედიცინო მომსახურებით სარგებლობის შესაძლებლობა, მათ ასევე შეზღუდული ჰქონდათ ძილისთვის და დასვენებისთვის განკუთვნილი დრო. პატიმრების მიმართ დამამცირებელ და არაადამიანურ მოპყრობას, 2012 წლამდე პერიოდში, ასევე სისტემური ხასიათი ჰქონდა სასჯელაღსრულების დეპარტამენტის რუსთავის N6 დაწესებულებაში. 

გამოძიებით დადგინდა, რომ რუსთავის N6 დაწესებულების სამართლებრივი რეჟიმის განყოფილების თანამშრომლებს - დ.ა.-ს, თ.მ.-ს და ბ.დ.-ს საპყრობილის რეჟიმის დებულების სრული იგნორირებით, შემუშავებული ჰქონდათ პატიმრებთან მოპყრობის საკუთარი წესები. კერძოდ, ბრალდებულები პატიმრებს ართმევდნენ კანონით მინიჭებული პირადი ჰიგიენის ნივთებს, საწოლისთვის განკუთვნილ თეთრეულს, იძულებით აშიშვლებდნენ და მათი ნების საწინააღმდეგოდ შიშველ მდგომარეობაში ამწყვდევდნენ კარცერში, სადაც დაბალი ტემპერატურის მიუხედავად, გაუსაძლის მდგომარეობაში ამყოფებდნენ მრავალი დღის განმავლობაში. აღნიშნული სახის არაადამიანურ მოპყრობას რუსთავის №6 დაწესებულებაში ჰქონდა სისტემური ხასიათი და გამოიყენებოდა განურჩევლად, პატიმრების დასჯისა და დაშინების მიზნით. არასათანადო მოპყრობის ფაქტებზე, მიმდინარე გამოძიების ფარგლებში დაიკითხა 800-მდე მსჯავრდებული, რომლებიც განთავსებული იყვნენ პენიტენციური სისტემის სხვადასხვა დაწესებულებაში. 

საქმეზე გამოძიება გრძელდება საქართველოს სისხლის სამართლის კოდექსის 1443-ე მუხლის მე-2 ნაწილის „ა“, „ბ“, „დ“, „ე“, „ზ“ ქვეპუნქტებით (მოხელის მიერ სამსახურებრივი მდგომარეობის გამოყენებით, ორი ან მეტი პირის მიმართ, ჯგუფურად, დაკავებული ან სხვაგვარად თავისუფლებაშეზღუდული პირის მიმართ დამცირება, არაადამიანური, პატივისა და ღირსების შემლახავ მდგომარეობაში ჩაყენება, რაც ძლიერ ფიზიკურ, ფსიქიკურ ტკივილს და მორალურ ტანჯვას აყენებს მათ.) რაც სასჯელის სახედ და ზომად ოთხიდან ექვს წლამდე თავისუფლების აღკვეთას ითვალისწინებს.

 საქართველოს პროკურატურის მიერ, პატიმართა მიმართ არასათანადო მოპყრობის ფაქტების გამოძიების შედეგად, სისხლისამართლებრივი დევნა დაწყებულია პენიტენციური სისტემის 72 თანამშრომლის მიმართ, მათ შორის სასჯელაღსრულების დაწესებულების 8 დირექტორისა და 7 დირექტორის მოადგილის მიმართ. ყველა ზემოაღნიშნული დანაშაულებრივი ეპიზოდი ჩადენილია 2012 წლის ოქტომბრამდე პერიოდში. პროკურატურა ამ მიმართულებით აგრძელებს აქტიურ მუშაობას."-განაცხადეს პროკურატურაში.

კომენტარები

მსგავსი სიახლეები

  • 14:51

    ,,ბოდიში, გიორგი, კარგია? მოგწონს? საქმეს ეშველა? ...

    "როგორ შეიძლება თქვას ასეთი რამ პრემიერმა, რომ შეისწავლა საქმე,რა შეისწავლა რა ხეჩიკაშვილს ჰკითხა?"- გია გაჩეჩილძე ამბობს, რომ მეგობრობის მიუხედავად არ აპირებს გაჩუმებას. მას დავა აქვს სპორტის სა...

  • 23:48

    სასამართლომ მიხეილ სააკაშვილი პატიმრობიდან გაათავი...

    კიევის სასამართლომ მიხეილ სააკაშვილთან დაკავშირებით, პროკურატურის შუამდგომლობა შინა პატიმრობის შეფარდების შესახებ არ დააკმაყოფილა.როგორც მოსამართლემ გადაწყვეტილებისას განმარტა, პროკურატურას გასაჩივრებ...

  • 16:14

    "მიყვარხართ, ჩემი ცხოვრება, ჩემი გული არის თქვენთა...

      "მიყვარხართ , ჩემი ცხოვრება, ჩემი გული არის თქვენთან" - ასე მიმართა მიხეილ სააკაშვილმა თბილისში შეკრებილ მომხრეებს "კურიერის" საშუალებით. სააკაშვილი პირპდაპირ ეთერში ტელეფონით სასამართლო დარბაზ...

  • 14:28

    დაპირისპირება უკრაინის რაიონულ სასამართლოსთან - პ...

      კიევში, პეჩორის რაიონული სასამართლოს წინ, სადაც მიხეილ სააკაშვილის პროცესი უნდა დაიწყოს, სამართალდამცველებსა და სააკაშვილის მომხრეებს შორის დაპრისპირებაა. შეკრებილებს სასმართლოს შენობაში შ...

  • 13:31

    მიხეილ სააკაშვილის სასამართლო პროცესი უახლოეს ხანშ...

      უკრაინის გენერალური პროკურატურა საქართველოს მესამე პრეზიდენტისთვის ორთვიან შინაპატიმრობას მოითხოვს. საუბარია ელექტრონული სამაჯურის გამოყენებით შინაპატიმრობაზე. სასამართლო პროცესი ...

  • 00:41

    მიხეილ სააკაშვილი დააკავეს...

    საქართველოს ყოფილი პრეზიდენტი მიხეილ სააკაშვილი უკრაინაში მიხეილ დააკავეს. ინფორმაციას ამის შესახებ დავით საყვარელიძე "ფეისბუქის" საშუალებით ავრცელებს. "დააკავეს მიხეილი! მიჰყავთ უ...

  • 19:19

    საქართველოს საგარეო უწყება იერუსალიმზე დონალდ ტრამ...

    საქართველოს საგარეო უწყება იერუსალიმზე დონალდ ტრამპის გადაწყვეტილებას  ეხმაურება „ჩვენ ყურადღებით გავეცანით საქართველოს სტრატეგიული პარტნიორის, აშშ-ის პრეზიდენტის განცხადებას იერუსალიმის თაო...