1 5 : 1 5
სარეკლამო ადგილი - 21
620 x 80
 | 

მსოფლიო

,,ალბათობა, პანკისის ხეობის „აფეთქების“ შესახებ, კიდევ უფრო გაიზრდება"

კავკასიის ინტერნეტ მედია ჯგუფის დამფუძნებელი, გიორგი კაპანაძე სოციალურ ქსელში თემირლან მაჩალიკაშვილის საქმეს ეხმაურება და ვრცელ კომენტარს აკეთებს. 

„თუ ხელისუფლება არ დადებს უტყუარ მტკიცებულებებს ჩატაევის დაჯგუფებასთან თემილრალ მაჩალიკაშვილის კავშირის შესახებ, შესაძლოა, ძალიან ცუდი პროცესები დაიწყოს პანკისის ხეობაში. 

საზოგადოება, საერთაშორისო ორგანიზაციები, ჩვენი ქვეყნის ნომერ პირველი სტრატეგიული პარტნიორი ხელისუფლებისაგან კონკრეტულ ფაქტებს ელოდება. 

თუმცა, კითხვები კვლავ პასუხგაუცემელია. 

ზუსტად არ ვიცით რატომ ესროლეს 19 წლის ახალგაზრდას თავში, რომელიც მიღებული ჭრილობისაგან გარდაიცვალა. ნამდვილად ჰქონდა თუ არა, მას, ხელყუმბარა... 

გამორიცხვით ვერაფერს გამოვრიცხავთ, მათ შორის ვერც ხელისუფლების ვერსიას, მაგრამ არ გვინახავს მყარი მტკიცებულება, რომელიც ჩატაევის დაჯგუფების ტერორისტულ გეგმებთან მაჩალიკაშვილის კავშირს ადასტურებს. 

გვაჩვენეს ორი წლის წინ გადაღებული კადრი, რომელიც ცალკე აღებული არაფერს ამტკიცებს, გარდა იმისა რომ გამოძიებამ ვერ მოიპოვა მასზე უფრო დამაჯერებელი საბუთი, მაჩალიკაშვილის ტერორისტობის თაობაზე.

ამ დრომდე არ იცის მამამ, რა მიზეზით შეუვარდნენ სახლში და ესროლეს მის შვილს, რომელიც საწოლში იწვა. 

ვერაფერს ვეუბნებით მაჩალაკაშვილის დედას, ბებიასა და პანკისის ხეობაში მცხოვრებლებს, რომლებიც ამ წუთებში 19 წლის ბიჭის ცხედარს ელოდებიან.  

შესაბამისად, თუ ხელისუფლებამ კვლავ ვერ შეძლო სწორი კომუნიკაცია საზოგადოებასთან და ისევ გააგრძელა შეცდომების დაშვება, ალბათობა, პანკისის ხეობის „აფეთქების“ შესახებ, კიდევ უფრო გაიზრდება.

ამიტომ, ძალიან ფრთხილად უნდა იმოქმედონ როგორც ხელისუფლების, ისე ოპოზიციის წარმომადგენლებმა, რადგან შეიძლება ითქვას რომ ვეთამაშებით ცეცხლს, რომელიც თუ აინთო, ვეღარ ჩავაქრობთ“, - მიიჩნევს კავკასიის ინტერნეტ მედია ჯგუფის დამფუძნებელი, გიორგი კაპანაძე.

კომენტარები

მსგავსი სიახლეები

  • 11:06

    რუსებმა ხერსონი დაბომბეს - დაზიანდა მინიმუმ 15 სა...

    რუსებმა ხერსონი დაბომბეს, დაიღუპა ორი ადამიანი, - ამის შესახებ ინფორმაციას ხერსონის რეგიონული სამხედრო ადმინისტრაციის ხელმძღვანელი, ალექსანდრე პროკუდინი ავრცელებს.­ ხერსონის რეგიონული სამხედრ...

  • 14:56

    ,,არ იქნება დენი, საკვები, საწვავი" - ისრაელი ღაზი...

    ისრაელის თავდაცვის მინისტრის, იოავ გალანტის განცხადებით, ღაზის სექტორის სრული ბლოკადის განკარგულება გასცა. „ღაზის სექტორის სრული ბლოკადის განკარგულება გავეცი. არ იქნება ელექტროენერგია, საკვები, ...

  • 13:15

    რამზან კადიროვმა 24 წლის ქალიშვილი ჩეჩნეთის ვიცე-პ...

    ჩეჩნეთის ლიდერის, რამზან კადიროვის 24 წლის ქალიშვილი აიშატ კადიროვა ჩეჩნეთის რესპუბლიკის ვიცე-პრემიერი გახდა. ინიციატივა ჩეჩნეთის პარლამენტის თავმჯდომარეს ეკუთვნის, რომელმაც წინადადება გაფართოებუ...

  • 22:28

    27 წლის ქართველი გოგო გერმანიაში ჯგუფურად გააუპატი...

    გერმანიაში ქართველი ქალის ჯგუფური გაუპატიურების საქმე სასამართლოში გადაიგზავნა - გერმანელმა პროკურორებმა შემზარავი დანაშაულის ახალი გარემოებები დაადგინეს. 27 წლის ქართველი გოგო ჯგუფურად მეუღლის თვალწი...

  • 17:57

    ევროკავშირმა რუსეთის წინააღმდეგ დაწესებული სანქციე...

    ევროკავშირის განცხადებით, რუსეთის ფედერაციის წინააღმდეგ დაწესებული სანქციები კიდევ 6 თვით გახანგრძლივდა. განცხადებაში აღნიშნულია, რომ სანქციების მოქმედების გაგრძელების შესახებ გადაწყვეტილება უკრაინის ...

  • 13:41

    ვოლოდიმირ ზელენსკი - არის სიგნალი, რომ, შესაძლოა, ...

    არის სიგნალი, რომ, შესაძლოა, რუსეთში კიდევ ერთი ამბოხება, რევოლუცია მოხდეს, - ამის შესახებ უკრაინის პრეზიდენტმა, ვოლოდიმირ ზელენსკიმ ABC News-თან ინტერვიუში განაცხადა. მისი თქმით, ბევრი ადამიანია...

  • 12:17

    თეთრი სახლი - არ გვინახავს ნიშანი, ხმამაღალი რიტორ...

    შეერთებულ შტატებს არ მიაჩნია, რომ რუსული ძალების მიერ ზაპოროჟიეს ატომური ელექტროსადგურის აფეთქების საფრთხე „გარდაუვალია“, - ამის შესახებ თეთრი სახლის სტრატეგიული კომუნიკაციების კოორდი...