მსოფლიო
კალაძე: სადისტრიბუციო მანქანებმა ქალაქში კონკრეტულ საათებში უნდა იმოძრაონ
2017-12-20 11:22:19
თბილისის მთავრობის სხდომაზე კახა კალაძემ სადისტრიბუციო კომპანიების წარმომადგენლებთან მოლაპარაკებების გამართვა ვიცემერს ირაკლი ხმალაძესა და მერის მოადგილეს მაია ბითაძეს დაავალა.
კალაძის თქმით, სადისტრიბუციო მანქანების ქალაქში გადაადგილებისთვის კონკრეტული საათები უნდა დაწესდეს, ამის მიზანი კი თბილისში საცობების განტვირთვაა.
"ჩემი თხოვნაა, რომ სადისტრიბუციო კომპანიებთან შეხვედრა რაც შეიძლება სწრაფად მოხდეს, რომ ეს ყველაფერი დალაგდეს", - თქვა კახა კალაძემ.
საცოცბების პრობლემის მოსაგვარებლად კალაძემ დღეს ასევე თქვა, რომ ყვითელი სამარშრუტო ტაქსები 14 ქუჩაზე მხოლოდ ავტობუსის გაჩერებებზე გაჩერდებიან. პრობლემის მოგვარების ნაწილია თბილსერვისი მიერ საყოფაცხოვრებო ნარჩენების ღამის საათებში გატანაც.
კომენტარები