2 2 : 0 2
 | 

მსოფლიო

"რა განსხვავებაა - ადამიანს პისტოლეტით მოკლავ თუ ფალსიფიცირებული წამლით" - "კარფური" მომხმარებელს ატყუებს

   სოციალურ ქსელში "კარფურის' ქსელისგან უკმაყოფილო კიდევერთი მოქალაქე, ნინო კუცევა-გაბაშვილი  წერს. მისი თქმით, "კარფურში" ფალსიფიცირებული  ხიზილალა იყიდება 

„გუშინ ვიყიდე ასაწონი წითელი ხიზილალა ბავშვებისთვის (ეწერა „ორაგულის ხიზილალა“), ფასი 159 ლარი/კგ. ავიღე სადღაც 150 გრ გასასინჯად. აღმოჩნდა ხელოვნური პროდუქტი: გასინჯვისას, მარცვლები ძლივს სკდებოდა და პირში გრჩებოდა „ცელოფანი“, შევამოწმე ადუღებული წყლითაც - იმის მაგივრად, რომ წყალი და მარცვლები აიმღვრეს (როგორც ეს ნამდვილი ხიზილალის შემთხვევაში უნდა ხდებოდეს, მარცვლები პლატსმასებივით დაეშვება ჭიქის ფსკერზე!). 

წავიღე დილას კარფურში დასაბრუნებლად, გამოვიძახე მენეჯერი და გავაცანი ჩემი პრეტენზიები. მენეჯერი მპასუხობს სასწაულს: „შესაძლებელია, ეს თქვენ არ მოგეწონათ, მაგრამ ეს გაყიდვადი პროდუქტია და ხალხი ყიდულობსო და, საერთოდ, 160 ლარად ნამდვილი ხიზილალა სად გინახავთო?! ეს ზუთხის ხიზილალა კი არ არისო! მე „რუსკოე მორე“-ს ვყიდულობო ბავშვებისთვის და კარგი არისო!“

ვპასუხობ: „თქვენ აქ გიწერიათ, რომ ეს არის „ორაგულის ხიზილალა“ და სინამდვილეში, ეს „ხიზილალა“ საერთოდ არ არის და არის ფალსიფიცირებული ხელოვნურად დამზადებული „ხიზილალისებრი“ მასა, რომელსაც აქვს თავისი სეგმენტი და შესაბამისი ფასიც (2-4 ლარი). ამ წარწერით თქვენ შეცდომაში შეგყავთ მომხმარებელი! რას ჰქვია „გაყიდვადი პროდუქცია“??? დღეს ისეთი ტექნოლოგიებია, რომ ქვიდან და ნავთიდან დაგიმზადებთ ნებისმიერი გემოს „ხიზილალას“, მაგრამ დააწერეთ, რომ ეს „ხელოვნურია“, თანაც შემიძლია, გასწავლოთ თუ როგორ შეამოწმოთ ხიზილალის ნამდვილობა (და მოვუყევი „ადუღებული წყლის მეთოდი“).
ფული დამიბრუნეს და ბოდიშიც მომიხადეს, მადლობაც გადამიხადეს და უფროსი მენეჯერი დამპირდა, რომ ამ საკითხს ბოლომდე ჩაყვება და მომწოდებელ კომპანია „ოკეანე“-ს ამოაღებინებს პროდუქტს „კარფურის“ ქსელიდან!

საერთოდ, 2 წელია, კატასროფაა „ხიზილალის“ ბაზარზე (ბევრი მეტყვის: „რა დროს „ხიზილალაა“, ხალხს პურის ფული არ აქვსო!). შარშან, 3-4 ერთნაირი ქილა მიყიდია და აქედან 1-2 კარგია, ხოლო 1-2 ფალსიფიცირებული ცელოფნების, ანუ შერეული პარტიებია!
რა განსხვავებაა - ადამიანს პისტოლეტით მოკლავ თუ ფალსიფიცირებული წამლით და საკვებით???“ - წერს მომხმარებელი

 მას შემდეგ , რაც ჩვენმა ინტერნეტ ტელევიზიამ აღნიშნული მომხმარებლის მიერ მოწოდებული ინფორმაცია გაასაჯაროვა, ჩვენ კომპანია „ოკეანე"ს თანამშრომელი დაგვიკავშირდა და გვთხოვა,  მათი პოზიციაც დაგვეფიქსირებინა.


iTV.ge კომპანიის საპასუხო წერილს უცვლელად გთავაზობთ:


„სრული პასუხისმგებლობით ვაცხადებთ, რომ კომპანია „ოკეანეს“ ხიზილალა არის უმაღლესი ხარისხის ნატურალური ქართული პროდუქტი. მისი ხარისხობრივი მაჩვენებლები შეესაბამება ეტიკეტზე დატანილ ინფორმაციას და სრულ შესაბამისობაშია სტანდარტთან. „ოკეანეს“ ხიზილალა, სავაჭრო ობიექტებში, ხვდება წარმოებიდან რამდენიმე დღეში. ამავე დროს, ქსელში გაშვებამდე თითეული პარტია მკაცრ ლაბორატორიულ შემოწმებას გადის, რაც ხარისხის კონტროლის კიდევ ერთი საშუალებაა.
პროდუქტის შედარებით დაბალი ფასი გამოწვეულია მისი ადგილობრივი წარმოების, შეფუთვის და სადისტრიბუციო ხარჯების სიმცირით.

ინფორმაციისთვის, ვაკიჯვრის მეურნეობა, სადაც ხიზილალა იწარმოება 2009 წლიდან ფუნქციონირებს. წარმოება ISO სერტიფიკატის მფლობელია, რაც კიდევ ერთხელ ადასტურებს მის მაღალ ხარისხს. ხიზილალა სეზონურად იწარმოება და არაერთ სავაჭრო ობიექტშია წარმოდგენილი"


  თვალსაჩინოებისათვის თუ როგორ ხდება ხიზილალის მიღება ვაკიჯვრის მეურნეობაში, შესაძლებელია იხილოთ პირველი არხის მიერ მომზადებულ გადაცემაში „ფერმა“

კომენტარები

მსგავსი სიახლეები

  • 11:49

    საფრანგეთში მატარებელი სასკოლო ავტობუსს შეეჯახა - ...

    საფრანგეთის სამხრეთ ნაწილში მატარებელი სასკოლო ავტობუსს შეეჯახა.Euronews-ის ინფორმაციით, შეჯახების შედეგად 4 ბავშვი დაიღუპა, 7 მძიმედ დაშავდა, 12-მა კი, მსუბუქი დაზიანებები მიიღო.შემთხვევა ქალაქ პერპი...

  • 16:36

    კიდევ ერთი ანომალიური შემთხვევა და ექიმების მორი...

    კიდევ ერთი ანომალიური შემთხვევა - დიდ ბრიტანეთში გოგონა დაიბადა, რომელსაც გული და კუჭის ნაწილი  სხეულის გარეთ ჰქონდა განვითარებული. მედიკოსების განმარტებით, ახალშობილის გადარჩენა შეუძლებელი ...

  • 14:27

    ჯონ მაკკეინი სამედიცინო ცენტრშია გადაყვანილი...

      ამერიკელი სენატორი ჯონ მაკკეინი ჰოსპიტალიზებულია.„ამჟამად სენატორი მაკკეინი კიბოს თერაპიის გვერდითი მოვლენების ნეიტრალიზაციის მიზნით ვალტერ რიდის სამედიცინო ცენტრში მკურნალობას გადის.როგორც ყოვ...

  • 17:27

    მანჰეტენზე აფეთქება მოხდა ...

    ნიუ-იორკში, მანჰეტენის ერთ-ერთ ავტოსადგურზე აფეთქება მოხდა  ადგილობრივმა სამართალდამცველებმა ადგილზე  2 ასაფეთქებელი მოწყობილობა აღმოაჩინეს. აფეთქების შედეგად რამდენიმე ადამიანი დაშავდა...

  • 11:01

    მიხეილ სააკაშვილი სასამართლოშია გადაყვანილი...

      მიხეილ სააკაშვილი უშიშროების სამსახურის წინასწარი დაკავების იზოლატორიდან სასამართლოში გადაიყვანეს. მიხეილ სააკაშვილი დაკავებიდან დღემდე უკრაინის უშიშროების სამსახურის წინასწარი დაკავების ი...

  • 18:53

    ყველაზე მძიმეწონიანმა ქალბატონმა 400 კილოგრამი დაი...

       მირა როსალესი, რომელიც ნახევარ ტონას  იწონიდა, ყველაზე ჭარბწონიან ქალბატონად ითვლებოდა მანამ, სანამ 400 კილოგრამს დაიკლებდა.   ყველაფერი კი მას შემდეგ დაიწყო, რაც  მირ...

  • 17:21

    ახალშობილი "ქალთევზას სინდრომით" დაიბადა და 4 საათ...

    "ქალთევზას სინდრომის"  შემთხვევა ინდოეთში - ქალაქ კოლკატაში, ბავშვი ერთმანეთს შეზრდილი ფეხებით დაიბადა. იგი ბუნებრივი მშობიარობით გაჩნდა. ახალშობილს მენჯის ძვლები და ფეხები განუვითარებელი ჰქ...