რუსებმა ხერსონი დაბომბეს - დაზიანდა მინიმუმ 15 სა...
რუსებმა ხერსონი დაბომბეს, დაიღუპა ორი ადამიანი, - ამის შესახებ ინფორმაციას ხერსონის რეგიონული სამხედრო ადმინისტრაციის ხელმძღვანელი, ალექსანდრე პროკუდინი ავრცელებს. ხერსონის რეგიონული სამხედრ...
დავით უსუფაშვილი: სამთავრობო ცვლილებებით ე.წ. ოდეერების სისტემა აღდგება
„შენების მოძრაობის“ ლიდერის, დავით უსუფაშვილის განცხადებით, სტუქტურული ცვლილებების კანონპროექტის მიხედვით, დაგეგმილია ეროვნული უსაფრთხოების მაკოორდინებელი ყველა სახელმწიფო სტრუქტურის გაუქმება.
მისივე ინფორმაციით, დაგეგმილია არა მხოლოდ დაზვერვის სამსახურის გაუქმება და დაზვერვის ფუნქციის სუსისთვის გადაცემა, არამედ საგარეო დაზვერვისთვის ფუნქციის შეცვლაც და ე.წ. ოდეერების სისტემის სრულმასშტაბიანი აღდგენა.
უსუფაშვილის თქმით კანონპროექტის მომზადების პროცესში კონსულტაციები არც ექსპერტებთან და არც საერთაშორისო ორგანიზაციებთან არ ყოფილა.
მთავრობაში დაგეგმილ სტუქტურულ ცვლილებებთან დაკავშირებით საკანონმდებლო პაკეტის ინიცირება ბიუროს სხდომაზე მოხდა. სწორედ ამ დოკუმენტის განხილვას იწყებს პარლამენტი დღეიდან.
სტრუქტურულ ცვლილებებთან დაკავშირებული საკანონმდებლო პაკეტიდან გამომდინარე ცვლილება, სავარაუდოდ, 112 კანონში შევა.
ამასთან, დეპუტატებმა ჯერ არ იციან როგორ გამოიხატება ციფრებში მთავრობის მიერ დაგეგმილი ოპტიმიზაცია. სწორედ ამიტომ, კვლავ ძალაში რჩება შეკითხვები, რომელიც დეპუტატებს, განსაკუთრებით კი, ოპოზოციონერ დეპუტატებს, რეორგანიზაციის ფინანსურ მხარესთან აქვთ.
პრემიერმინისტრმა მთავრობაში სტრუქტურული და საკადრო ცვლილებების შესახებ 13 ნოემბერს გამოაცხადა.
კომენტარები