რუსებმა ხერსონი დაბომბეს - დაზიანდა მინიმუმ 15 სა...
რუსებმა ხერსონი დაბომბეს, დაიღუპა ორი ადამიანი, - ამის შესახებ ინფორმაციას ხერსონის რეგიონული სამხედრო ადმინისტრაციის ხელმძღვანელი, ალექსანდრე პროკუდინი ავრცელებს. ხერსონის რეგიონული სამხედრ...
„თიბისი ლიზინგმა“ ინოვაციური პროდუქტის - სტარტოს პრეზენტაცია გამართა
სტარტო - „თიბისი ლიზინგის“ ახალი პროდუქტია, რომელიც ფიზიკურ პირებს შესაძლებლობას აძლევს სახლიდან გაუსვლელად, ონლაინ განაცხადის შევსებით მეორადი ავტომობილები შეიძინონ.
სტარტოს პრეზენტაცია დღეს თიბისი გალერეაში გაიმართა.
როგორც პრეზენტაციაზე „თიბისი ლიზინგის“ გენერალურმა დირექტორმა ნანა მიქაშავიძემ აღნიშნა, სტარტო უნიკალური პროდუქტია, რადგან მთლიანად მომხმარებლის კომფორტზეა მორგებული.
მანქანის შეძენის მსურველს აღარ მოუწევს ოფისში მისვლა, კონსულტანტთან გასაუბრება და გადაწყვეტილების მიღების პროცესში ლოდინი. სტარტოს მეშვეობით ყველაფერი უმოკლეს დროში, ონლაინ მოხდება.
ამისთვის საჭიროა, შერჩეული გქონდეთ სასურველი ავტომობილი და შეავსოთ მარტივი ონლაინ განაცხადი სტარტოს ვებ-გვერდზე www.starto.ge (თუ მანქანა განთავსებულია რომელიმე ვებ გვერდზე, მომხმარებელს შეუძლია ლინკი დააკოპიროს, ასევე, შესაძლებელია სასურველი მანქანის ფოტოების ატვირთვაც) რამდენიმე წუთში სტარტოს წარმომადგენელი დაგიკავშირდებათ და პასუხს დაფინანსებაზე შეგატყობინებთ, ყველა დეტალს გაივლის და თქვენს სასურველ მანქანას შეიძენს, რომელსაც ლიზინგით სარგებლობაში გადმოგცემთ.
თქვენ მხოლოდ ერთხელ მოგიწევთ სტარტოს ოფისში მისვლა ხელშეკრულების გასაფორმებლად და ავტომობილის რეგისტრაციის პროცედურისთვის.
მთლიანი პროცესი დაახლოებით 30 წუთს გრძელდება.
ასევე, თუ გყავთ ავტომობილი, შეგიძლიათ დაფინანსება მიიღოთ მისი უზრუნველყოფით და განაგრძოთ მანქანით სარგებლობა ლიზინგის ვადის განმავლობაში.
მათ, ვინც უკვე სარგებლობს ავტო ლიზინგით ან ავტო სესხით მიკროსაფინანსო ორგანიზაციებში, შეუძლიათ სტარტოში პორტირება მოახდინონ.
სტარტოს პროდუქტებით სარგებლობისთვის საჭიროა იყოთ 21 წლის და ზემოთ, ავტომობილი კი მინიმუმ $2,000 აშშ დოლარად უნდა შეფასდეს.
სტარტოსგან დაფინანსების მიღება შეუძლია ყველას: თუ ავტომობილის შეძენა გსურთ და არ გაქვთ შესაბამისი დანაზოგი, თქვენ შეგიძლიათ დაფინანსება 100%-მდე მიიღოთ.
თუ უკვე გყავთ ავტომობილი და გესაჭიროებათ თანხა, შეგიძლიათ ავტომობილის უზრუნველყოფით მიიღოთ მისი ღირებულების 100%-მდე.
თუ გსურთ განაახლოთ ავტომობილი ან შეიძინოთ უფრო ეკონომიკური, შეგიძლიათ მიიღოთ განსაკუთრებული პირობები ჰიბრიდულ ავტომობილებზე.
თუ თქვენი საკრედიტო ისტორია არ არის დადებითი, ჩვენ განვიხილავთ განაცხადს და მცირედი დამატებითი მოთხოვნების გათვალისწინებით დაფინანსებას მიიღებთ.
სტარტოში წლიური საპროცენტო განაკვეთი ყოველი კონკრეტული ავტომობილის და კლიენტის შემთხვევაში ინდივიდუალურია და რამდენიმე მაჩვენებელზეა დამოკიდებული.
მათ შორის, კლიენტის საკრედიტო ისტორიაზე, ავტომობილის ტიპზე, საბაზრო ღირებულებაზე და კლიენტის მხრიდან თანამონაწილეობის მოცულობაზე.
კომენტარები