რუსებმა ხერსონი დაბომბეს - დაზიანდა მინიმუმ 15 სა...
რუსებმა ხერსონი დაბომბეს, დაიღუპა ორი ადამიანი, - ამის შესახებ ინფორმაციას ხერსონის რეგიონული სამხედრო ადმინისტრაციის ხელმძღვანელი, ალექსანდრე პროკუდინი ავრცელებს. ხერსონის რეგიონული სამხედრ...
"მოხდება რაღაც პრობლემური, შემდეგ ხდება ამის რაღაცნაირი შეფუთვა, ჩაფარცხვა"
საქართველოს პრეზიდენტი სახელმწიფო აუდიტის სამსახურში იმყოფება. ის ლაშა თორდიასთან პირისპირ შეხვედრის შემდეგ, თანამშრომლებს ხვდება.
შეხვედრისას გიორგი მარგველაშვილმა ელ ცენტროში მომხდარ ინციდენტზეც ისაუბრა. გიორგი მარგველაშვილი ფარცხალაძის სკანდალთან დაკავშირებით შესაბამისი უწყებებისგან პასუხს ითხოვს. პრეზიდენტი აცხადებს, რომ ასეთი ფაქტების გამოუძიებლობა ხელს უშლის სახელმწიფო ინსტიტუტების და ზოგადად ქვეყნის განივთრებას.
“უკვე მერამდენედ მიხდება სახელმწიფო ინსტიტუტების დაცვა, იმ ვითარებაში როდესაც სამწუხაროდ რაღაცა გაუგებრობებთან გვაქვს საქმე. ის, რაც მოხდა რამდენიმე კვირის წინ, ამას სჭირდება ნათელი და პირდაპირი პასუხი, ჩვენ დღეს ვხედავთ სამწუხაროდ ერთი და იგივე ტენდენციას. მოხდება რაღაც პრობლემური, შემდეგ ხდება ამის რაღაცნაირი შეფუთვა, ჩაფარცხვა, გადაპიარება თუ რა შეიძლება ამას დაერქვას და ამის მერე ვხედავთ იმას, რომ არა მარტო კონკრეტული პრობლემები პასუხგაუცემელია საზოგადოებაში, არამედ კითხვის ნიშნები ისმის უმნიშვნელოვანესი კონსტიტუციური სახელმწიფოებრივი ინსტიტუტების დაცულობასთან მიმართებაში.
"დღეს, როდესაც გავიდა რამდენიმე კვირა და არანაირი პასუხი არ არსებობს კომიკური პიარ ომის გარდა, მე ვკითხულობ, როდემდე უნდა ველოდოთ პასუხებს ამ თემებზე. ნებისმეირ ასეთ სიტუაციაში ჩვენს სამართალდამცავებს, სადაც მუშაობს ათასობით კვალიფიციური კადრი, ჩვენ მივეცით მათ მაღალი ლეგიტიმაცია, მივეცით მათ უფლება ატარონ გამოძება, მივეცით მათ რეალურად გააცნონ, რა მოხდა და როგორ მოხდა.
"ვიდო კასეტებით ომი კი არ უნდა იყოს, აქ სახელმწიფო ინსტიტუტის დაცვა უნდა იყოს. ეს არის ჩვენი ქვეყნის იმიჯი, რომელზეც პასუხისმგებელი ვართ ჩვენ მოქალაქეებთან და მერე რომელზეც პასუხისმგებელი ვართ ქვეყნის გარეთ,“ - განაცხადა გიორგი მარგველაშვილმა.
საქართველოს პრეზიდენტი ამბობს, რომ ვიდეო მასალები მიმართულია საზოგადოების თვალის ასახვევად.
„ძალიან მოთმინებით ველი რაიმე ადეკვატურ შეფასებებს და არა პოლიტიკოსების განცხადებებს გულზე მჯიღის ცემით. მდაბიო პიარ ომი, რომლის მაყურებელიც საზოგადოება გახდა, ამას საზოგადოება იმიტომ გასცემს პასუხს, რომ საზოგადოებისთვის არის გაკეთებული ეს პიარ ომი. ეს ვიდეოებით ომი, საზოგადოებისთვის აქცენტის გაკეთების იმედია. იმედია, რომ ვიღაც საზოგადოებაში ამიტომ იტყვის, რომ მოდით რა თვალი დავხუჭოთ, რომ ქართულ საზოგადოებას არ ესმის, რომ ინსტიტუტი არის მნიშვნელოვანი, რომ სახელმწიფო არის მნიშვნელოვანი და შევა ამ ჭორაობაში,“ - აცხადებს მარგველაშვილი.
საქართველოს პრეზიდენტს მხარდაჭერისთვის მადლობა გადაუხადა აუდიტის სამსახურის ხელმძღვანელმა.
კომენტარები