მსოფლიო
საქართველოში ქარის სიმძლავრემ გრიგალის ნიშნულს მიაღწია
2017-03-20 23:20:42
საქართველოში ქარის სიმძლავრემ გრიგალის ნიშნულს მიაღწია. ამის შესახებ გარემოს ეროვნული სააგენტოს ჰიდრომეტეოროლოგიური პროგნოზების ცენტრში განაცხადეს
ცენტრის უფროსის, სვეტლანა ნიორაძის განცხადებით, რამდენიმე წუთის წინ ქარის სიჩქარემ 32 მეტრი წამში შეადგინა. ნიორაძის თქმით, ძლიერი ქარი, ქვეყნის მასტაბით მთელი ღამის განმავლობაში შენარჩუნდება, თუმცა, ქარის გაძლიერება მოსალოდნელი არ არის.
”ბოლო ინფორმაციით, ქარის სიმძლავრე 32 მეტრი წამში დაფიქსირდა, რაც უკვე გრიგალის მნიშვნელობისაა. ძლიერი ქარი შენარჩუნდება მთელი ღამის განმავლობაში. ქარი იქნება ხვალ დღის საათებშიც, თუმცა მისი გაძლიერება მოსალოდნელი არ არის”, - განაცხადა სვეტლანა ნიორაძემ.
სააგენტოს პრესსამსახურის ცნობით, ამ დროის მონაცემებით დაშავებულთა შესახებ ინფორმაცია არ არსებობს.
”დღის პირველ ნახევარში გამოძახებები ფიქსირდებოდა გარე უბნებში, დღის მეორე ნახევრიდან კი თითქმის ყველა უბნიდან დაფიქსირდა გამოძახება. დაშავებულთა შესახებ ინფორმაცია არ არსებობს”, - აცხადებენ საგანგებო სიტუაციების მართვის სააგენტოში.
კომენტარები