მსოფლიო
მარგველაშვილი: "მეტი პარტია პარლამენტში, მეტ კონკურენციას ნიშნავს"
2016-11-18 12:48:14
ქუთაისში მე-9 მოწვევის პარლამენტის პირველის სხდომა მიმდინარეობს. საკანონმდებლო და აღმასრულებელი ხელისუფლების წარმომადგენლებს სიტყვით საქართველოს პრეზიდენტმა მიმართა
„პატივცემულო დეპუტატებო გილოცავთ გამარჯვებას 216 წლის საპარლამენტო არჩევნებში და გისურვებთ წარმატებულ მოღვაწეობას ქვეყნის საკეთილდღეოდ. დღეს ახალი პარლამენტის წინაშე გამოსვლისას მინდა ჩემი პატივისცემა დავუდასტურო საქართველოს მოსახლეობას, რომელსაც მე-9-ე პარლამენტის არჩევით კიდევ ერთი ნაბიჯი გადადგა ქართული სახელმწიფოებრიობის განმტკიცების გზაზე,“-განაცხადა პრეზიდენტმა.
გიორგი მარგველაშვილმა მადლობა გადაუხადა უცხოელ და ქართველ დამკვირვებლებს და ცენტრალურ საარჩევნო კომისიას, რომლებმაც გიორგი მარგველაშვილის თქმით, უზრუნველყვეს დემოკრატიული პროცესის მემკვიდრეობითობა.
პრეზიდენტმა აცხადებს , რომ არჩევნები შედგა მეტნაკლები დარღვევებით, თუმცა თავისუფალ გარემოში.
"არჩევნებში შედგა, შედგა მეტ-ნაკლები დარღვევებით, მაგრამ თავისუფალ გარემოში. შედეგად საქართველოს ჰყავს დემოკრატიულად არჩეული 150 დეპუტატი, რომელიც განახორციელებს მომავალი საკანონმდებლო და აღმასრულებელი ხელისუფლების ფორმირებას.
მე არაერთხელ განმიცხადებია, რომ მრავალპარტიული პარლამენტი თვისობრივად ახალი ნახტომი იქნებოდა ქართული პოლიტიკური რეალობისთვის, მჯერა, რომ ასეთი კონფიგურაცია დემოკრატიის გაძლიერებას უფრო მეტად შეუწყობდა ხელს, რადგან მეტი პარტია პარლამენტში, მეტ კონკურენციას, მეტ დებატებს და დისკუსიას ნიშნავს. სამწუხაროდ პარლამენტის გარეთ არაერთი პოლიტიკური პარტია დარჩა, რომელთა ნაწილში სამწუხაროდ დეზორიენტაციის და კასკადური გადადგომებისა და ჩამოშლის პროცესები დაიწყო,“-განაცხადა გიორგი მარგველაშვილმა.
კომენტარები