რუსებმა ხერსონი დაბომბეს - დაზიანდა მინიმუმ 15 სა...
რუსებმა ხერსონი დაბომბეს, დაიღუპა ორი ადამიანი, - ამის შესახებ ინფორმაციას ხერსონის რეგიონული სამხედრო ადმინისტრაციის ხელმძღვანელი, ალექსანდრე პროკუდინი ავრცელებს. ხერსონის რეგიონული სამხედრ...
დაპირისპირება ენმ-ს ოფისთან - „სულხან მოლაშვილი თავისი სიკვდილით არ გადაცვლილა“
ბათუმში „ერთიანი ნაციონალური მოძრაობის“ ოფისთან სიტყვიერი და ფიზიკური დაპირისპირება მოხდა.
როგორც ადგილიდან „ექსპრესნიუსის“ კორესპონდენტი იუწყება, „სახალხო ხელისუფლების“ წარმომადგენლებმა კონტროლის პალატის ყოფილი თავმჯდომარის, სულხან მოლაშვილის გარდაცვალებაში ბრალი „ნაციონალურ მოძრაობას“ დასდეს და შენობის კედლებზე ბანერების გაკვრას ცდილობდნენ.
აქციის მონაწილეებს ენმ-ს წარმომადგენლებმა ბანერების გაკვრის საშუალება არ მისცეს, რასაც ფიზიკური დაპირისპირება მოჰყვა, თუმცა სამართალდამცველებმა ვითარება მალევე განმუხტეს.
"ის არ გადაცვლილა თავისი სიკვდილით. დღეს გულის ტკივილს გამოვთქვამთ იმის გამო, რომ ერთ ადამიანსაც, გინდ ხელისუფლების გინდ „ნაციონალური მოძრაობის“ მხრიდან, არავის არ მოსვლია თავში აზრად, რომ ბოდიში მოეხადა და მწუხარება გამოეთქვა მოლაშვილის ოჯახის წევრების წინაშე. სულხან მოლაშვილმა ამხილა მიხეილ სააკაშვილი კორუფციაში, იმაში ამხილა, რომ საქართველოს ის მალე გაასხვისებდა და მართლაც არის დღეს გასხვისებული. ეს მოძრაობა უნდა დაიშალოს არ უნდა არსებობდეს", - განაცხადა პარტიის “ჩვენი სამშობლო” მაჟორიტარი დეპუტატობის კანდიდატმა ნინო კვირიკაძემ.
ადგილზე საპატრულო პოლიციის რამდენიმე ეკიპაჟი იყო მობილიზებული. ამ დროისთვის აქცია დასრულებულია.
კომენტარები