0 8 : 1 4
რეკლამა Itv.ge-ზე,
სპეციალური ფასები:
599 877 901
 
ჰოლივუდელი პროდიუსერები ბათუმში
2016-06-28 16:09:18
|
კინოგადაღებების კუთხით რეგიონის პოტენციალის შესასწავლად და კინოგადაღებისთვის ლოკაციების შესარჩევად  ბათუმს ჰოლივუდის ლოკაციის მენეჯერები და პროდიუსერები სტუმრობდნენ. მათ ბათუმში სხვადასხვა ადგილი მოინახულეს და ფოტო-ვიდეო გადაღებები აწარმოეს.

პროდიუსერებს აჭარის განათლების , კულტურისა და სპორტის მინისტრის მოადგილემ ნათია სირაბიძემ უმასპინძლა და აჭარაში გადასაღები ადგილების მრავალფეროვნებასა და კინოწარმოების ხელშეწყობასთან დაკავშირებით სამომავლო გეგმების შესახებ ესაუბრა.

„ჩვენი ხელისუფლების ერთ-ერთი პრიორიტეტია კინოწარმოების ხელშეწყობა. აჭარაში ბევრი საინტერესო ლოკაციაა ფილმების გადასაღებად. ჩვენთვის მნიშვნელოვანია აქ არსებული ადგილების წარმოჩენა და მათი საერთაშორისო მასშტაბით პროდიუსერებითვის გაცნობა, რათა სამომავლოდ ფილმების გადაღება ჩვენთან დაგეგმონ“ - აღნიშნა ნათია სირაბიძემ. 
ცნობილ ჰოლივუდელ კინომწარმოებლებს ნამუშევარი აქვთ ისეთ ფილმებზე, როგორიცაა   „Transformers", "Captain America", "The Town", "The Hangover", „Sicario”, “Mission:Impossible”.„ჩვენ ჩამოვედით საქართველოში ფილმების გადასაღები ლოკაციების შესარჩევად.
მოხიბლული ვართ. მართლაც ძალიან ბევრი საინტერესო ადგილია ბათუმში.
 განსაკუთრებით შეიმჩნევა ახალი და ძველი არქიტექტურის სინთეზი, რაც სხვადასხვა ჟანრის ფილმის, სცენების გადაღების შესაძლებლობას იძლევა. ჩვენ ვარჩევთ ისეთ ადგილებს, რომელიც ჰგავს სხვადასხვა ქალაქს, შეიძლება მივამსგავსოთ მადრიდს ან პარიზს და სცენები აქ გადავიღოთ. სხვათაშორის, ბათუმი კუბას ჰგავს. კუბის სცენების გადასაღებად ხელსაყრელი ქუჩები და პირობებია. ჩვენ აქ მიღებულ შთაბეჭდილებას გავუზიარებთ საერთაშორისო მასშტაბით სხვა პროდიუსერებს“ - აღნიშნა ლოკაციის პროდიუსერმა პირს დენიმ.

ჰოლივუდის ცნობილმა კინომწარმოებლებმა  კინოინდუსტრიის ხელშეწყობის პროგრამის  "გადაიღე საქართველოში" ფარგლებში საქართველოს სხვადასხვა რეგიონი მოინახულეს. ჰოლივუდელი პროდიუსერების საქართველოთი დაინტერესება მნივნელოვანია ქვეყანაში კინოწარმოების განვითარებისათვის.
კომენტარები

დაამატე კომენტარი (მაქსიმუმ 2000 სიმბოლო) |

სახელი (მაქს, 20 სიმბოლო)

ელ–ფოსტა (არ გამოქვეყნდება)



სარეკლამო ადგილი - 7
468 x 60
სარეკლამო ადგილი - 47
268 x 320
პრეს-ნიუსი
სომხეთის უსაფრთხოების სამსახურმა საქართველოდან სომხეთში შეტანილი გადასატანი საზენიტო სარაკეტო კომპლექსი ამოიღო
გამოკითხვა
გჯერათ თუ არა პატრიარქის შესაძლო მოწამვლასთან დაკავშირებული ინფორმაციის?
ხმის მიცემა   რეზულტატი
სარეკლამო ადგილი - 5
268 x 160
ინტერვიუ
ფილმი თუ წიგნი - რა არის თინეიჯერების არჩევანი დღეს
სარეკლამო ადგილი - 6
268 x 160
ემიგრანტები
სკაიპით გადაგზავნილი დედის სიყვარული
ხალხის აზრი
თუ "რუსთავი 2"-ი სახელისუფლებო არხი გახდება ...
 მთავარი |  სიახლეები |  გადაცემები |  პოლიტიკა |  ეკონომიკა |  საზოგადოება |  კულტურა |  სპორტი |  პრეს-ნიუსი |  კითხვის ნიშანი |  ინტერვიუ |  Weekend |  უცხოეთი |  მთავარი თემა |  კრიმინალი |  რესპონდენტი |