მსოფლიო

მედიკამენტები კატასტროფულად გაძვირებულია და ექიმები შექმნილი მდგომარეობიდან გამოსავალს ეძებენ

ჯანდაცვის სამინისტროს მიერ განხორციელებული რეფორმები შეაფასა და თავისი აზრი გამოთქვა თბილისის ენდიკრინოლოგიური ცენრის MG-ს ენდოკრინოლოგმა ქეთევან ტაბატაძემ. ექიმმა მოკლედ ისაუბრა საყოველთაო ჯანდაცვასა და ჯანდაცვ–ის პირველადი რგოლის რეფორმის დადებით და უარყოფით მხარეებზეც:

"ჯანდაცვის პირველადი რგოლის რეფორმა მომწონს. ოჯახის ექიმის ინსტიტუტის წინ წამოწევა კარგია, მაგრამ ამ რეფორმით არ უნდა დაიკარგოს ვიწრო სპეცილისტე–ბის როლი. ოჯახის ექიმმა თავის თავზე არ უნდა აიღოს პაციენტის მკურნალობა, როდესაც დარწმუნებული არაა, რომ შეძლებს მის განკურნებას. ყოველი პატარა ეჭვის შემთხვევაშიც კი, უნდა მოხდეს პაციენტის გადამისამართება ვიწრო სპეცილისტთან. მოცემული რეფორის დადებითი მხარე სწორედ იმაში მდგომარეობს, რომ მოხდეს იმ პაციენტებისთვის ახსნა და სწორად გადამისამართება, რომლებმაც არ იციან, თუ რომელ სპეცილიტს მიაკითხონ. ეს მართლაც ძალიან მნიშვნელოვანია“.

რაც შეეხება საყოველთაო პროგრამებს, ექიმი ამ მიმართულებასაც დადებითად აფასებს: „რა თქმა უნდა მისასალმებელია.  ჩემს გარშემო ძალიან ბევრი სარგებლობს. პაციენტები ნამდვილად კმაყოფილები არია. არ არსებობს მიზეზი, რის გამოც შეიძლება, რომ ადამიანს ეს რეფორმა არ მოსწონდეს. მოგეხსენებათ, საქართველოში უამრავი გაჭირვებული ცხოვრობს, რომლებსაც არ აქვთ საშუალება ჩაიტარონ ძვირადღირებული ოპერაციები ან სისხლის ანალიზიც კი. ამ პროგრამაში სწორედ ის მნიშვნელოვანი ასპექტები ფინანსდება, რაც ყველაზე მოთხოვნადია. განსაკუთრებით აღსანიშნავია გეგმიური და გადაუდებელი ოპერაციები, რომლებიც სახელმწიფოს მხრიდან  სრულად ფინანსდება’’.

ქეთევან ტაბატაძემ მედიკამენტების ფასებზეც ისაუბრა და აღნიშნა, რომ პრეპარატე–ბის ფასები კატასტროფულ ზღვარამდეა მისული და იმედი იქონია, რომ მდგომარეობა  მალე დარეგულირდება: „მედიკამენტები ძალიან გაძვირდა და ყველა უჩივის ამ ფაქტს. პაციენტები დიდ უკმაყოფლებას. ბაზარზე ჯენერიკული მედიკამენტები დიდი ხანია არსებობს, ამჟამად შემოვიდა ინდური ჯენერიკებიც. პირადად მე, ყოველთვის ვცდილობ, რომ ჯენერიკი დავნიშნო მხოლოდ უკიდურეს შემთხევაში, მაშინ როდესაც პაციენტს არ აქვს საშუალება შეიძინოს ორიგინალი. მედიკამენტური მკურნალობის შეწყვეტას ნამდვილად სჯობს, რომ ჯენერიკებით გაგრძელდეს მკურნალობა. ზოგადად, ყოველთვის ორიგინალს ვანიჭებ უპირატესობას. თუმცა აუცილებელია ქვეყანაში გამკაცრდეს მედიკამენტებზე ხარისხსი კონტროლი, რაც გაზრდის ნდობას საზოგადოებაში ჯენერიკებსი მიამრთ და ჩვენს ექიმები უსაფრთხოდ დავნიშნავთ მათ’’.

ამ ფონზე მნიშვნელოვანია, რომ ჰუმანითი ჯორჯიას ხელმისაწვდომი მედიკამენტები აფთიაქებში მალე გამოჩნდება. ჰუმანითი ჯორჯიას გენერალური დირექტორის ანდრიი კუზმას ინფორმაციით, ინტენსიურად მიმდინარეობს კომპანიის მედიკამენტების დასაწყობება და ძალიან მალე 250-მდე დასახელების ხშირი მოხმარების პრეპარატი ხელმისაწვდომ ფასად აფთიაქებში გაიყიდება. ამის შესახებ კუზმამ რესპუბლიკურ საავადმყოფოში განაცხადა.  რესპუბლიკურმა საავადმყოფომ ფარმაცევტულმა კომპანია ჰუმანითი ჯორჯიასგან ჰუმანიტარული დახმარება უკვე მიიღო. ეს არის ჰუმანითი ჯორჯიას მიერ შემოტანილი კარდიოლოგიური და ანტიბიოტიკის ჯგუფის პრეპარატების მოცულობითი პარტია, რომელიც  საავადმყოფოს პაციენტებისთვის იქნება განკუთვნილი.